講到近年冒起得最快嘅日本動漫，《刀劍神域》絕對係其中之一。事關呢套作品不但憑住有趣嘅「升呢」冒險故事取勝，出色嘅人物設計亦居功至偉，只係講到當中最受胸奴迷喜愛嘅角色，一定非莉法莫屬。喺人類世界名叫桐谷直葉嘅美少女，喺遊戲中便化身成巨乳孃莉法，而憑住一對誘人美乳，成功榮登人氣榜！佢最新登場嘅模型大玩巨乳誘惑，穿着性感比堅尼，前凸後趷身材展露無遺，十分吸引，舉起太陽傘嘅甫士更係陽光味十足。當大家細心一睇嘅時候，就會發現佢鬼馬地用對車頭燈夾住傘柄，盡顯巨乳嘅夾擊力有幾強。咪以為呢對巨乳得個睇字，原來佢仲可以用嚟夾住其他嘢，隨模型附送另一個夾牛奶飲管嘅造型，名副其實化身成哺乳類動物。