每個人喺成長過程中，總希望能夠同人分享生活中嘅點滴，並透過一幕又一幕嘅鬥爭同磨合，先至可以令一個人成熟起嚟。咪以為呢種咁陽光嘅題材，喺十八禁遊戲中好難搵到，由日本成人電玩製作公司Samoyed Smile所炮製嘅處女作《Samidare Growing Up!》，就係講述一個既陽光又令大家熱血沸騰嘅故事。話說日本有間超級學園，喺裏面就讀嘅美少女非富則貴，個個仲要生得樣靚身材正，有前有後，單係個賣相已經叫人流晒口水！男主角本來諗住識番個門當戶對嘅對象，點知卻發現學園中嘅風頭躉桐生院霧葉竟然係個平民，只係為咗迎合其他同學對佢嘅期望，惟有扮做千金小姐。為咗讓桐生院霧葉融入學園生活，男主角決定幫佢一把，慢慢身邊就聚滿一班性格各有特色、感情又豐富嘅美少女，大家不但互相扶持，仲發展出情慾關係添！