有人話家陣內地嘅嫩模係就係樣靚身材正，只係好多都係走妖艷風格，甚少見到有清純可人嘅囡囡。其實大家只不過係冇睇真啲啫！好似今日介紹呢位純情教主張曉梵，就係其中一個好例子，佢唔單止個樣清純又可愛，身材更係前凸後趷，配合埋一對G罩杯車頭燈，真係迷死人！
今年20歲嘅張曉梵，英文名Vivian，出生於上海，但佢並非純種中國人，而係一位中韓混血兒，散發出一股純情氣質，加上本身性格純品，脗合相由心生呢句說話。講到佢成為模特兒卻係一個機緣巧合，話說當時佢於上海戲劇學院修讀演藝課程，由於佢身材出眾，加上樣貌甜美，好快就被睇中邀請加入模特兒界發展，並喺2013年成為上海國際車展嘅車展寶貝，以性感誘人嘅巨乳車模示人，迷人嘅外在條件令人留下深刻印象。而佢為咗提升自己嘅人氣，參加改裝車展模特兒大賽，並奪得冠軍，同時佢被上海嘅雜誌評為中國十大女模之一。參賽之路仲未完結，於2014年佢喺一個模特兒大賽中成為最後10強，更喺同年舉辦嘅生態旅遊小姐大賽全國總決賽中得到亞軍。優異嘅模特兒大賽成績，唔單止大大提升知名度，工作更係接踵而嚟，除咗喺各大時尚雜誌中亮相外，又喺多個車展、時裝騷等見到佢嘅身影，成為炙手可熱嘅模特兒。
佢成功上位同罕見嘅清純氣質以及激凸身材固然有關係，事實上，佢喺戲劇學院所學到嘅演戲技巧，令佢喺鏡頭前輕鬆表現自己最具美態嘅一面，而呢種自然又唔造作態度，不但令佢嘅寫真成為搶手貨，更令佢獲得演出銀幕嘅機會，佢曾經參與演出微電影《別做小三》，憑玲瓏浮凸嘅身材配合出色嘅演技，受到大家注意，並因而獲得多個演出嘅機會。喺正常嘅情況下，梗係即刻答應啦！不過佢卻唔係咁睇，縱然佢亦好希望能夠作多元化發展，只係佢更希望憑住努力，爭取到更加合適嘅劇本，從而發揮演技。
正如佢自己話齋，演出嘅工作唔貴於多而在於精，仲要係精益求精先至得，故此喺現階段佢除咗喺模特兒工作上努力外，更會抽時間磨練演技，並且唔介意擔任小角色，目的只係希望能獲得更多磨練機會。
簡介：張曉梵可愛又清純嘅形象背後，原來對自己未來嘅發展早有計劃，思想相當成熟。不過，憑住佢純情嘅形象同埋出色嘅演技，未來又點會冇出頭嘅機會呢？如果想知道佢更多最新動態嘅話，記得去佢個微博度睇吓。
網址：www.weibo.com/u/3919075471
出生地：上海
身高：170cm
三圍：36、24、35
撰文：魂