由日本ACG公司Hobby Japan嘅原創作品《七宗罪》，不但以人類嘅7種原罪，分別為傲慢、妒忌、暴怒、懶惰、貪婪、貪食及色慾作為創作嘅背景，更搵嚟著名插畫師Niθ擔任人物設計，以超性感嘅火辣魔女造型，而成為超級誘人嘅成人模型系列。憑住極盡誘人嘅造型，每個作品都充分展現出誘惑嘅魅力。今次最新登場嘅作品，就係呢位加入西部牛仔元素嘅「強欲」（即係貪婪）魔女Mammon。所謂糅合西部元素，除咗戴上牛仔帽同皮靴外，老實講並唔係咁有西部風。不過作為成人模型，佢卻係交足功課有餘，事關佢對車頭燈不但大玩飛釘誘惑，嗰條細到無可再細嘅G-String底褲，更係令重要部位若隱若現。如果大家仲覺得佢未夠性感得徹底嘅話，不妨同佢嚟個Bra解，釋放佢對超巨豪乳啦！