交歡嘅時候除咗親密接觸之外，原來有唔少人鍾意畀人打屁股，甚至用牙咬。日本女性近年愈趨開放，更加有年輕化趨勢，唔係我片面之言，而係有調查顯示失身年齡相當年輕。好多男人都希望自己係巨鵰男，但係巨大係咪一定好呢？調查顯示下體愈長，配偶有外遇嘅機會卻愈高。
每個男人都夢想自己擁有高強性能力，能夠喺床上令伴侶興奮到咬碎銀牙、高潮迭起。當然，女伴高潮嘅時候好少會宣之於口，男人則從對方嘅各種表現判斷自己有幾勁，例如叫聲、表情，又或者女伴有冇捉實自己，如果女伴肉緊到喺你身上留低幾條抓痕，咁就一定開心到眉飛色舞喇。其實，要令女士開心，亦不妨以彼之道還施彼身。一個叫做The Kinky Women Research Study嘅美國研究項目搵到1,580名成年女性協助，調查一下佢哋鍾意喺床上玩啲咩相對重口味嘅玩意，令人意外嘅係結果顯示出85%女士原來鍾意被人打屁股，75%更鍾意畀對方用口咬！睇嚟美國女性都幾鍾意暴力喎。
仲有兩個多月就到聖誕節，相信好多女仔都期待喺聖誕節同男友度過浪漫又溫馨嘅晚上，而一班男士可能更高興，因為聖誕佳節已經成為佢哋外出溝女發生一夜情嘅好日子，事關好多女仔特別係年輕一輩，都容易喺呢啲日子玩到忘形繼而失身。喺日本，唔少女仔都失身於年少時，一個問卷調查更加發現一個驚人嘅情況。日本娛樂資訊網Yomerumo用網上問卷訪問咗100名女性，問佢哋幾多歲失身，當中有45人話自己仲係處女未失身，所佔比率最高，不過排名第二嘅回覆就令人相當震驚喇！因為有9個女仔表示自己嘅失身年齡介乎1至10歲！如果係呢9位女網友玩嘢亂咁填問卷就最好，但係若然佢哋所言非虛，真係希望有關當局追查一下係邊隻禽獸經手喇，拜託晒！
武學上所謂一吋長一吋強，一吋短一吋險，咁又冇錯，用長棍、長槍同短刀對打當然有優勢，但係喺兩性關係方面就唔係男人愈長，女人愈鍾意喇。《PLOS ONE》科學期刊做咗一個研究，搵到545位肯尼亞漁民協助。研究人員先問男漁民下體勃起嘅長度，然後再交一把尺畀佢哋嘅配偶量度一次，以減低虛報長度對結果嘅影響。眾男漁民嘅平均勃起長度約為5吋。然後，再問佢哋嘅配偶有冇出過軌，當然唔係喺佢哋老公面前問啦。研究人員綜合結果之後，發現男漁民下體勃起長度每長過平均長度1吋，配偶出軌嘅次數就會增加1.5倍！研究人員就訪問過當中嘅漁民配偶，其中一位就表示其下陰偏窄，丈夫下體太長太大，令佢覺得受傷影響性趣喎。
撰文：賢