咪以為日本成人漫畫嘅漫畫家都係男人，其實當中亦不乏女漫畫家，佢哋同男漫畫家最與別不同嘅地方，在於構圖比較細膩，好似松本救助就係其中之一。自佢出道以嚟推出過唔少作品，而講到佢嘅代表作，不得不提呢本喺上年中推出嘅《我的前妻是癡女》喇！
事實上，呢本成人喜劇漫畫嘅原作者並非松本救助，而係出自另一位男漫畫家原田重光嘅手筆。須知道作為重繪作，當然要做到比原作更好、更吸引至得，而能夠成為松本救助嘅代表作，足以證明佢實力強勁。原來佢曾有一段頗長嘅時間喺著名漫畫及插畫家蜷川八重子度學習畫功。功成之後，則以松本Torimo之名喺漫畫雜誌連載女性向漫畫。身為女性漫畫家，處理女性題材古仔更加得心應手，喺2011年憑住作品《Bar：Mangalica》成名，從此奠定人氣成人漫畫家嘅地位。
同其他嘅成人漫畫家唔同嘅地方，在於佢嘅畫功不但相當細膩，而肉搏場面並非賣弄花巧同埋肉慾感，反而以清新同簡潔嘅構圖取勝。至於內容上，更加着重故事嘅描寫，除咗滲入愛情同友情嘅元素，令故事變得更立體外，令漫畫變得更富可讀性，並非一味賣弄視覺挑逗。憑住呢個與眾不同嘅地方，令佢嘅作品長期受到追捧，而《我的前妻是癡女》就係佢嘅最新作品。
同原作最大嘅分別，最明顯嘅就係畫工真係出色好多，當然睇埋內容嘅話，會發現喺分鏡上更加緊湊。講到咁好睇，其實古仔講乜嘅呢？全書合共8話嘅內容，講述男主角山本雅也係個九流大學畢業生，見親份份工都冇下文。事業無成又冇錢嘅佢，竟然溝到個人靚身材又超級好、比佢年長5歲嘅巨乳商界女強人妙子，並且成功拉埋天窗。令佢成功娶到如此尤物嘅原因，係因為佢同妙子嘅肉體脗合度超好，每次激戰都總能令彼此得到無比嘅滿足感。
正當雅也以為呢世都可以過住小白臉生活之際，有日妙子提出離婚，理由係成日匿喺屋企又唔做家務嘅雅也如同廢物，令女強人老婆接受唔到。離婚後，雅也發覺雖然長期處於性慾旺盛狀態，但只有面對妙子才能抬得起頭，而妙子亦係如此，於是從此兩人就展開離婚後嘅性愛關係。為咗能夠挽回前妻嘅歡心，男主角不但喺性愛上更加努力，但凡妙子有乜變態性玩意，佢都一定滿足到對方，另一方面，佢則認真努力工作，終於建立出個人事業，至於最後能否同前妻復合呢？就留待大家自己睇嘞！情慾場面縱然構圖有啲簡單，卻不乏細緻刻畫，最重要係喺情感同喜劇感不失嘅情況下，令人有追睇嘅衝動，難怪成為一套出色成漫作品。
名稱：《我的前妻是癡女》
作者：松本救助
出版：白泉社
頁數：172頁
撰文：魂