所謂讀萬卷書不如行萬里路，但係又有云書中自有顏如玉，有時睇書亦有睇書嘅樂趣，特別係睇寫真集嘅時候，一來相中美女誘人，二來現時拍寫真講求風格獨特，令寫真照唔單只養眼，更有藝術成分，對於龍友更有參考價值添！
今年27歲嘅谷村奈南高中開始參與歌唱活動，全力發展歌唱事業之後，以高穿透性嘅歌聲而備受讚賞，喺2008年更加獲MSN Music封為年度最期待的歌手。之不過，奈南雖然努力唱歌，卻係愈唱愈見人氣下滑，喺2010年決定推出寫真集，以其得天獨厚嘅G Cup身材谷人氣，果然又畀佢成功。然而，一唔拍寫真賣弄身材人氣又回落。最近奈南又再出寫真集叫《I am NANA》，當中可見奈南身材比以往更加苗條健美，脹卜卜嘅上圍依然健在，演出風格亦更為開放，換上嘅三點式更加緊身兼細碼，仲大玩泳衣切割，為寫真照帶來一點刺激，將身材露得更盡，相信今次奈南嘅人氣可以重上高峰喇！
書名：《I am NANA》
售價：約HK$210
裸體就裸體，又何來美術裸體呢？對於純睇肉嘅當然乜都無所謂啦！但係對一位浸淫25年人體藝術攝影師Stan Trampe嚟講就唔可以亂嚟喇！攝影師出版呢本純美學人體攝影書，有人認為扮高深，更有人話實情係寫真集，掛個「Fine Art」行頭就扮高檔喎！美術又好，藝術都好，細佬冇資格批評，淨係知道呢本寫真只得黑白相，而Stan Trampe會透過作品向讀者講解黑白美術裸體照應點構圖為之靚，點打燈為之正，主體要如何配合背景，而話明係裸體攝影，更強調點樣影先可以突出主體曲線及輪廓去增加吸引力！大師還會教授佢多年來堅持Less is more嘅裸體攝影技巧，總之就高深啦。全書128頁，由室內影到室外，每一頁都有不同裸女，不同甫士睇。
書名：《Fine Art Nudes: Lighting and Posing for Black & White Photography》
售價：約HK$160
口愛嘅意思即係指性愛中所有口部嘅行為，透過大家嘅小嘴嚟挑逗對方情慾，從而令人有更美妙嘅性愛體驗。雖然呢種性愛技巧好似好容易，卻係易學難精，呢本由全球著名性學家兼新世界性教育（New World Sex Education）創辦人加雅（Jaiya）所著嘅《好口愛：男女情趣挑逗口愛指南》（Blow Each Other Away），一定可以幫到大家。本書嘅宗旨係為性生活唔美滿嘅男女提供解決方法，透過作者所創嘅技巧，例如透過從未諗過嘅體位，不但讓男女自行創造出屬於佢哋獨一無二嘅口愛技巧，作者同時又提供超過100種嘅口舌技巧供男女作參考。簡易又清晰嘅說明，令男女更易掌握到箇中竅門，從而進入一個前所未有嘅口愛世界。
書名：《好口愛：男女情趣挑逗口愛指南》
作者：加雅（Jaiya）
譯者：郭珍琪
售價：約HK$80
撰文：賢、祖、魂