形容人唔識食，我哋會話對方魚翅當粉絲。老實講，雖然話價錢有別，魚翅有魚翅嘅好食，粉絲亦有其風味，煮得好食，分分鐘好味過魚翅。喜屋武千秋本身係一名平凡嘅時裝雜誌粉絲，家陣搖身一變成為寫真偶像，更身兼多項才能添！
日本水着界同AV界之中，都有好多女優身兼童顏、巨乳兩個迷死男人嘅條件於一身，不過小弟就唔覺得呢類女優有咩咁特別，胸大的確有令人驚艷之處，然而講到童顏方面，班女優個個都十八廿二，梗係有副童顏啦，何奇之有？如果年過三十仲好似十八歲妹妹仔咁款先夠出奇嘛，有咁嘅女優咩？今日為大家介紹嘅喜屋武千秋咪係人辦囉。千秋妹眼大精靈，笑容甜美親切，散發出蘿莉系風格，可以話喺水着界難有人能替代。大家估吓佢幾多歲？據資料顯示，原來千秋今年已經三十有一！除咗樣子夠稚嫩，肌膚同樣鮮嫩無比，身高標準，但係上圍嘅35吋G Cup美巨乳應該超出一般女仔嘅身材比例，呢對G奶大而雪白，柔軟而彈手，質素之高亦係相當罕見。
喜屋武千秋拍寫真之前，一直都好仰慕宅男偶像中川翔子，仲成日追捧翔子做模特兒嘅雜誌，當時千秋只係一名幼稚園保母。後來，電視台有一個叫《The網絡明星！》節目，知道千秋係一名網絡發燒友而搵佢做專訪，仲標榜佢為「真性網絡狂」，一日要上網至少５個鐘。見到千秋咁靚女，有雜誌搵佢拍寫真，就係咁成為一代寫真偶像喇。除咗上網，其實千秋都好鍾意睇書，據聞原來係受父親嘅影響，而睇得書多，就令千秋家陣可以輕鬆應付為動漫歌曲作詞嘅工作。
此外，千秋仲好鍾意睇動漫同打機，早前佢走訪各間資訊科技公司探訪取經，再憑住對打機嘅知識開始打造屬於自己嘅遊戲。另一方面，千秋亦因為對打機有認識，近期手機遊戲又咁盛行，唔少雜誌同網台都搵阿妹介紹遊戲同評測，認真多才多藝。
喜屋武千秋日日都好忙碌，唔係上電視節目，就係同姊妹去睇動漫展覽，想知道千秋近期又去過邊，做過啲乜，就要多留意其博客喇。
網址：http://ameblo.jp/kyan-chi
年齡：31歲
身高：5呎2吋
三圍：35G-24-34
撰文：賢