每次講到美國底特律，總會同當地嘅經濟有關，只係其實佢哋嘅夜生活不但豐富，尤其係脫衣舞夜店更係相當多，好似位於當地嘅人氣夜店Toy Chest，就係其中一個例子。呢間開業超過20年嘅酒吧，雖然環境保留濃厚嘅美國傳統風情，大量木製傢俬同埋地氈都滲透出懷舊氣息，不過佢嘅燈光效果同埋舞台演出，卻同環境成反比，出色嘅光影同音響令玩樂氣氛滿瀉。至於重頭戲，大家咪以為係一班火辣艷舞女郎，亦唔係佢哋好客嘅態度，而係在於佢哋超「火辣」嘅艷舞演出。事關佢哋嘅拿手好戲，係將噴火絕技糅合於艷舞演出之中，透過高難度又驚險嘅玩火演出，配合埋火辣無比嘅身材，令玩家恍如置身於雜技團之中。當然，佢哋同樣會提供VIP房，等玩家可以私享呢種令人心跳加速嘅刺激娛樂。