日本AV女優真係「錢」途無限，拍AV已經係一條財路，近年仲踴躍進軍樂壇以及藝能界，除咗做幕前，亦做埋幕後，曾經風靡一時嘅峰奈由果就轉型做漫畫家，跟佢同期嘅星野明亦望其項背，努力畫漫畫搵食。
日本人有幾鍾意睇漫畫，大家可以從書報攤陳列出嚟嘅大量不同種類漫畫書當中可見一斑。佢哋唔單只鍾意睇，仲鍾意畫漫畫，日本好多網站都專門為呢班業餘漫畫家而設。小弟亦曾經迷失於色情成人漫畫當中，內容淫到出汁，刺激性唔比AV低。提到AV同色情漫畫嘅關係，兩者都能夠令男人睇得興奮，近年仲多添一種關係，就係AV女優轉型做漫畫家喇。除咗早前嘅峰奈由果之外，最近星野明亦進軍漫畫界，畫嘅亦都係短篇四格漫畫。呢部四格漫畫嘅名字相當貼合星野明嘅AV工作，叫做《以筆代換命根兒》，主要係講述一隻鹹鹹濕濕嘅小妖精喺人間搞搞震，同女性接觸期間搞出唔少笑話。而據聞星野明鍾意一邊剝光豬一邊畫漫畫，莫非咁做可以增強創作靈感？
明姐表示剝光豬畫漫畫嘅原因，係每次諗到隻鹹濕妖精要搞鹹濕嘢嘅時候，自己都不期然慾火高漲起嚟，唔單只乳點變硬，水簾洞亦濕埋，咁點算？梗係暫時放低支筆動手自娛一番，然後趁靈感未散之前快快落筆畫畫。試得幾次都係咁，明姐決定剝光豬畫畫，費時火起嘅時候又要剝衫咁麻煩。星野明嘅放蕩性格唔單只喺漫畫當中表現出嚟，事實上佢自2005年出道以來，除咗以雪白肌膚、結實胴體以及堅挺F奶而突圍，緊張到肉嘅床戰，加上狼胎擒男手法一樣備受讚賞。及後轉型為熟女女優，為佢帶來榮譽，喺Sky PerfecTV成人放送大獎獲得最優秀熟女獎，奠定天后級地位。近期明姐雖然減產，但係依然保持一定AV產量，熟女迷不妨留意其作品喇。
早於星野明兼職做四格漫畫家之前，已經有一位女優成功轉型，佢就係峰奈由果。峰奈由果同明姐年紀相若，出道年份都係2005年，不過名氣比明姐更響，當中嘅原因係峰奈由果當年憑住一對H奶橫行AV界，其超絕品身材喺現今咁多女優當中相當少見，當年嘅人氣直逼蒼井空同吉澤明步，認真犀利。2009年引退之後，峰奈由果曾經為雜誌撰寫AV評論，另外亦開始畫四格漫畫《Around 30 無修正》，講述女人三十如何享受性事，備受女漫畫迷歡迎，上年更加被拍成真人版電視劇，仲搵來當紅艷星壇蜜做女主角添！
撰文：賢