男人一聽到長同久呢兩個字，總會即刻聯想到床戰。其實又長又久唔一定係男士福利，有機會可以造福埋女性添！不過大家唔好心邪，因為有研究指女士為男士吹奏一定時間嘅話，原來有減肥作用。此外，墨西哥新進巨鵰男，佢嘅兵器長度極為誇張，只係講到長，又點及得上呢位美國女模對腳咁長呢？
之前同大家報道過，外國有研究指，女士可以透過「女上男下」嘅性愛體位嚟減肥。不過最近又有研究指，如果唔想下下搞到身水身汗，仲有一個既可滿足男友慾望，又可滿足女士減肥要求嘅方法，就係女方為男友吹奏半粒鐘！據美國性學家Jaiya Kinzbach嘅研究發現，女士若為男友吹奏30分鐘，可以消耗100卡路里嘅熱量，情況等同行路35分鐘、踩單車23分鐘或做瑜伽20分鐘。相對玩半粒鐘「女上男下」雖然可消耗207卡路里，但卻換嚟身水身汗，因此呢種方法簡單又方便。只係話說回來，究竟女士能否吹足半粒鐘而條頸冇受傷，或者有冇男士能夠忍到半粒鐘而唔爆發呢？
講到全球擁有最長巨鵰嘅男士，相信非兵器長達34厘米嘅紐約男Jonah Falcon莫屬，只係呢個紀錄家陣有機會被改寫。事關墨西哥有位今年52歲嘅男士，佢嘅兵器竟長達48.2厘米，重量更達908克！呢位名叫Roberto Esquivel Cabrera嘅男士雖然擁有如此「天賦」，但因佢支兵器太雄偉關係，不但冇辦法識女友，又冇辦法搵嘢做，更加連跪低禱告都做唔到。現時從事回收工作嘅佢，由於有感生活如殘疾人士關係，故此一方面希望向有關政府部門提出傷殘申請，一方面希望獲健力士世界紀錄認證。不過有醫生指佢嘅兵器係長，只係從X光片中顯示，兵器上有長約33厘米嘅屬包皮增生組織，故此佢想成為全球第一巨鵰男嘅夢想有待商榷。
修長嘅美腿加上性感比堅尼，呢個畫面足以令任何一位男士興奮無比。不過講到美國最為修長嘅美腿，卻係嚟自美國德州嘅女模特兒Lauren Williams，事關佢對長達124厘米，亦即49吋長腿，足足比前任全美長腿王Brooke Banker長5厘米。據呢位今年26歲，身高6呎4吋（約194厘米）嘅長腿模特兒稱，佢嘅長腿由家族遺傳。原來佢屋企人個個身高都超過6呎，加上平日經常運動，並且憑住出眾嘅長腿，經常為運動品牌同時尚雜誌拍攝廣告。此外，佢係一間博物館嘅教育工作者，名副其實既有身材又有內涵。不過咪以為佢冇煩惱，佢話最煩嘅就係買唔到啱身嘅服裝，只係呢種算唔算係煩惱呢？
撰文：魂