如果問現今日本AV界邊位女優能夠稱得上做乳后，人氣女優沖田杏梨同千乃杏美一定榜上有名。事關前者擁有L罩杯胸器，而後者亦有一啲都唔輸蝕嘅G罩杯，同樣令胸奴體驗到無比嘅視覺刺激。今次小弟有幸可以同兩位乳神嚟個深情對話，等佢哋同大家講吓感情世界。
作為大家心目中嘅性感女神，唔知佢哋嘅初戀幾時發生呢？沖田杏梨好爽快咁回答：「喺我讀幼稚園時就已經出現，當時我好鍾意同個男同學仔一齊玩，結果玩到拖手仔。」真係人細鬼大！由於沖田自細喺英國讀書，兼且父親喺英國從事汽車零件生意，唔知呢個初戀小情人係咪嚟自英國呢？沖田笑道：「唔記得對方係咩國籍喇，因為我嗰時仲好細個呢！」至於千乃杏美呢？佢就話：「我嘅初戀都係發生喺幼稚園，當時有個男仔經常同我分享零食，故此我就鍾意咗對方。」先唔講佢哋嘅初戀原來咁細個已經出現，只係從千乃嘅回答中發現，佢竟然因為零食就鍾意咗對方，難怪佢自稱好為食之餘，仲有「傻大姐」嘅外號。
咁現時兩位嘅感情生活又如何呢？意料之外，兩位都自稱單身，同時用相當誠懇嘅眼神表示好想拍拖。既然係咁，佢哋嘅理想拍拖對象係點呢？沖田表示：「我鍾意主動嘅男士，即係佢會主動埋身，然後直接表達對我嘅感覺，呢種坦率嘅表現，最能令我動情。」千乃就話：「我鍾情風趣幽默嘅男士，因為我平時唔係點講嘢，如果對方太過靜嘅話，感覺會好尷尬。」話時話，如果男友係個AV迷，仲要鍾意睇其他女優演出嘅話，唔知佢哋接唔接受到呢？沖田聞言即狂點頭話：「咁仲好！因為我會覺得好興奮，當然如果佢更鍾意睇我演出嘅話，感覺會仲刺激。」思想咁開放，果然係鬼妹仔性格。不過千乃嘅睇法就唔同：「如果佢鍾意睇巨乳女優嘅演出，我都接受得到，但若果佢鍾意蘿莉系嘅女優，我就真係接受唔到囉。」
經常聽人講女優閒時最愛瞓覺或購物，唔知沖田同千乃會點享受呢段時間呢？沖田笑道：「我平時會做Gym嚟保持身材，除此之外，我會用更多時間嚟打Online Game。」千乃諗咗諗就表示：「其實我真係都幾花時間喺瞓覺上，而除咗瞓覺外，我就會做瑜伽嚟令自己身材變得苗條啲。」
其實喺呢段短短嘅採訪中，沖田係以日英兩語夾雜嘅方法答問題，皆因喺英國住咗十幾年，兼且喺英國嘅美術學院畢業嘅佢，英文固然相當好，最重要係佢為咗令小記更易理解佢講乜，足見佢性格相當體貼。千乃則不愧有「傻大姐」嘅稱號，事關佢每次答問題時雖然都好落力去諗，但表達時卻真係麻麻，見到佢既着急又無奈嘅表情，實在相當可愛。
咪以為沖田只得好身材同精湛嘅床技，其實佢不但精於彈鋼琴及吹奏Saxophone，歌藝更係出色。夢想進軍藝能界嘅佢，喺今年7月推出首張名為《ANRI walk》細碟作品，而首支派台作品就係由人氣AV女優並木優作曲嘅《Cat Walk》。碟內仲收錄咗另外兩首歌，分別係跳舞作品《Wanna Stay With You》同《Phantom Monster》，大家不妨品評吓。
千乃身材出眾，加上天然呆嘅性格，肯定係呢期AV界嘅當紅女優，而佢最備受期待嘅作品，莫過於將喺10月7日發售嘅《千乃杏美的兼職揭秘》。呢套由日本AV片商Befree出品嘅最新力作，講述秘密兼職風俗孃嘅千乃，用天賦胸器情挑玩家，以及展現令人興奮嘅精湛床技。據聞呢套作品已有唔少日本AV迷預訂。
出生日期：1986年10月28日
身高：5呎7吋
三圍：42L-23-37
出生日期：1993年8月4日
身高：5呎2吋
三圍：35G-24-33
特派記者：魂