十年琢磨放艷光

人生有幾多個十年?喺過去嘅十年日子當中,大家有冇好好經營自己嘅事業,有冇好好為自己嘅人生奮鬥呢?活躍於藝能界同寫真界嘅矢島舞美就毫無疑問喺呢十年入面努力過發憤過,唔怪得今時今日變得光華耀眼,格外迷人。今年23歲嘅矢島舞美13歲就加入藝能界成為美少女偶像,而最令佢自己以及歌迷記得嘅正係喺2005年加入人氣偶像組合℃-ute至今嘅十年時光。經十年琢磨之後,舞美面上泛起迷人嘅女人味,既綺麗亦嬌媚,加上白滑婀娜嘅胴體,令佢拍寫真一樣咁受歡迎,《Nobody Knows 23》就係舞美嘅最新寫真集喇。當中,佢會帶大家去到自己經常出入嘅舞台同後台,當然亦少不免喺更衣室換一換衫啦!另外亦會去到夜光迷蒙嘅街角展露一下憂傷而迷惘嘅一面,不過亦會去到海灘喺陽光普照嘅環境下展露嬌美身段以及甜美又開心嘅笑容,將自己喺呢十年當中嘅苦與樂,透過一系列寫真照供大家細細品味。

售價:約HK$187

撰文:賢