對於年底兩大四仔頒獎禮，想知道邊位囡囡最大機會勝出攞最佳脫星獎，最好方法係睇「賽前熱身」，最具指標性嘅非成人網站「Adult Empire」早前舉辦嘅Adult Empire Girl Contest莫屬，當中Dani Daniels砌低50個對手成功奪后，睇怕阿妹喺年底頒獎禮唔捧走幾個大獎，粉絲反面都似！
在此先恭喜Dani Daniels喺Adult Empire Girl Contest勝出奪后，獲得獎金6,000美元，以及成為網站「Adult Empire」嘅代言人，獨家拍攝三鑊性戰。坦白講，呢啲小恩小惠對Dani妹嚟講真係濕濕碎，以佢依家嘅身份地位，拍片做「阿二」都咪使預佢，相反阿妹要嘅係名氣，目的係出席公開場合時一呼百應，多人捧場顯威勢，自然財源滾滾，所以脫星們明知係濕星獎，依然畀足面交足戲，Dani得獎後對傳媒話感到好興奮，「Adult Empire」係地球上最好睇嘅成人網站。講到尾呢個「王后」選舉，純粹係證明得獎脫星喺網站「Adult Empire」賣片超勁，同時該脫星嘅網上號召力及宣傳能力強，方可令粉絲投下神聖一票。
Dani妹確實喺業界貢獻良多，兼且係一位非常勤力嘅脫星，就睇佢喺社交網每日出Po頻率，係眾多脫星數一數二，兼且不吝嗇全裸寫真任睇唔嬲。另外，阿妹係真心愛「搞嘢」，而非單單出碟賺錢咁簡單，上年推出個人鹹碟《deeper》首次同黑男交手，阿妹主動上社交網Reddit嘅Ask Me Anything環節，接受全球網民提問及批評，對於粉絲有問必答，超認真又勤力，難怪同年捧走AVN Awards for Best Interracial Release獎項啦！短短4年時間，Dani已攞盡業界大小獎項，唯獨最佳脫星獎有提名但未獲獎，睇嚟阿妹今年志在必得！
撰文：祖