不論邊個地方嘅嫩模，都希望自己唔單止可以喺模特兒界成名，更希望有朝一日能現身銀幕上，成為一位既有外在，又有演技嘅全能型美女，而內地人氣嫩模王瑾軒就係其中一個好例子。呢位不但擁有誘人外形同埋迷人氣質嘅索女，正努力向銀色旅途不斷邁進。
雖然呢位今年22歲嘅嫩模出生於大連，但有趣嘅係佢嘅國籍並非中國而係新加坡。喺佢投身模特兒界前，本身於亞太管理學院讀書，可以話係一位才女，當時佢嘅夢想係希望成為一位成功嘅管理人員，只係出眾嘅外形好快就被人留意，並且邀請佢做模特兒。起初佢只係玩票性質，經過一段時間後發現，原來模特兒界不但可以擴闊自己嘅眼界，當中更有好多喺書本上學唔到嘅知識，從此佢決定以模特兒作為人生目標。須知道內地被冠以氣質過人嘅女模唔少，只係究竟佢嘅氣質有幾咁過人呢？先唔講佢先後為多本時裝、男士及化妝雜誌拍攝寫真，單從佢被網民賦予「清純教主」及「宅男女神」嘅名號，甚至被南韓傳媒稱佢為「中國第一氣質女王」等，均足以證明佢氣質過人。
既然佢喺平面媒體、寫真界及網絡上均獲得極高人氣，佢嘅發展又點會原地踏步呢？為咗證明佢並非只係得外形嘅花瓶，佢開始努力鍛煉演技，並且參與多套電影及影視作品演出。可能有人會質疑，呢種臨時上陣嘅演技作用有幾大呢？結果話畀大家知，一個人只需要努力再加上少少天賦，就可以成功為自己打開一條新出路。備受肯定嘅演出，不但令佢喺2012年被評為十大時尚風格人物，又獲中國最受媒體歡迎女演員獎項，並且被評為魅力之星！不過佢一啲都冇自滿，反而認為佢喺好多人眼中，仍然係只會賣弄身材及以樣貌取勝嘅演員，故此佢家陣仍不斷努力進行演藝上嘅修煉，希望有朝一日能演出一套人生嘅代表作。雖然佢咁有目的係件好事，但最重要係佢千萬唔好忘記，拍攝多啲令人心跳加速嘅寫真呀！
王瑾軒唔單止擁有過人外形及出色嘅演技，曾修讀管理學嘅佢更係一位管理行業專才。雖然唔知佢第時會否成為一位靚絕管理界嘅索女，但可以肯定佢嘅外形已經迷倒唔少男士。如果想知道更多佢嘅資料，記得去佢個微博度睇吓。
網址：www.weibo.com/u/2301437067
出生地：大連
身高：168cm
三圍：35、23、35
撰文：魂