咖喱喺日本深受食家歡迎，大家睇吓日式超市嘅貨架上多不勝數嘅即食咖喱已可見一斑！之不過，最近有款咖喱就令人為之卻步，連人氣AV女優上原亞衣食過之後表示永遠唔會食第二次，甚至話寧願食男人嘅白汁好過，究竟呢款咖喱點解咁難食呢！
最近屬於日本最大型AV銷售網站嘅資訊平台「R18.com」搞咗個企劃活動，但係今次同AV碟冇關，而係搵女優去試食，至於呢位獲邀嘅女優正係人氣高企嘅E奶小天后上原亞衣。之不過，即使係天后亦好，喺AV作品中玩過無數重口味玩意都好，亞衣今次面對嘅危機可謂前所未有，因為R18.com唔知係咪存心靠害亞衣，居然請佢去食味道似「便便」嘅咖喱！呢間位於世田谷區嘅咖喱飯店叫「志み津」，所賣嘅咖喱與別不同，老闆亦係非比尋常，佢就係當今AV界嘅頂尖男優清水健。當日上原亞衣同拍攝隊去到食店門前本來好開心咁擺甫士影相，但係一入到店內就發覺唔對路，聞到陣陣臭味，驚到亞衣面都青埋！
由於當日清水健有事外出，故由店長招呼亞衣。亞衣睇餐牌嘅時候都已經頂唔住，要掩住鼻睇吓食咩咖喱。揀完之後，店長好快將咖喱送到亞衣面前，最惡心係咖喱用「便盆」盛載，真係見到都唔開胃，但係一場嚟到點都要捧場，亞衣鼓起最大勇氣食咗一少啖，然後面色大變，即刻問店長要杯水，不過店長話清水係全店收費最貴，每杯水盛惠1,000日圓。打消飲水念頭嘅亞衣惟有再食第二啖，表示味道苦到想死，而且臭到好似「便便」一樣難頂！呢個時候亞衣人急智生，應該係話「人急恥亡」，居然無恥到話：「我醒起有工作未做，我都係走先。」然後叫拍攝隊成員唔好做大嘥鬼食埋剩餘嘅咖喱，呢鋪拍攝隊可謂自作自受喇。被問到選擇呢款咖喱定係喺其新作《食白汁放題3》當中嘅白汁，亞衣二話不說寧願食白汁好過，對呢款特製咖喱表示怕怕。
清水健係現役AV男優當中最出名兼最具實力嘅男優，喺17年嘅男優生涯當中，拍過嘅AV作品超過7,500部，同超過8,000名女性上床！最近，清水健進軍飲食界，事緣係健哥一直都有研究能夠幫助男優補充體力同元氣嘅特製菜式，而咖喱店「志み津」內所賣嘅「大便味」咖喱正係其一手研發，據講材料有豬肉、鹹魚、苦瓜、可可粉、魚內臟以及藥草等，雖然煮成之後味道奇臭，但係全部都係富含營養嘅食材。
撰文：賢
相片來源：互聯網