有人話女人係呢個地球最重要嘅生物，呢句說話講得一啲都冇錯。試諗如果呢個世界冇咗女人，咁男人仲有乜嘢生存動力呢？既然女人咁重要，難怪台灣嘅悠遊卡都搵嚟日本人氣女優做卡面，而紐約亦有超過300人裸胸遊行為保露胸權。不過講到最過癮嘅，卻莫過於有日本女生喺網上分享，自製AV當中男人精華嘅秘訣。
究竟波多野結衣喺台灣有幾紅？連台灣嘅悠遊卡都要搵佢嚟做卡面，就知道佢嘅人氣有幾咁高！唔少去過台灣旅行嘅人都知，悠遊卡係好多人搭車同搭捷運嘅電子存付卡，作用就同我哋嘅八達通差唔多，係種相當普及嘅電子貨幣平台。近年悠遊卡搵過唔少名人做卡面，只係今次卻相當爆，皆因竟然搵嚟日本AV女優波多野結衣，喺9月1日推出3萬張名為「波多野結衣天使與惡魔」嘅悠遊卡。天使同魔鬼兩款卡分別有唔同嘅造型，同時印有佢嘅簽名，而據講收益將撥歸公益之用。雖然套卡有購買年齡限制，但未出已經惹嚟相當大嘅爭議，先唔講佢嘅身份問題，只係有網民表示卡面造型其實嚟自AV封面，呢層真係要查過至知喇！
日本AV常見女優口舌演出後，總會再嚟個鯨吞精華。不過據聞精華氣味似阿摩尼亞，唔使試過都知道唔慌好味，故此坊間一直流傳片中精華乃係人工炮製之餘，仲有唔少秘方添！早前有位日本美少女，就喺YouTube上分享自製方法，而材料更係相當簡單，只不過用上牛奶、可食用潤滑液同綠茶就得。方法係先將潤滑液倒落容器，然後按濃度加入牛奶跟住起勢咁攪，一直攪到佢起泡為止，最後加入綠茶調味便大功告成。片中美少女不但將佢倒入口中，仲要將佢吐番出嚟，情景果然同AV中嘅一模一樣！不過話時話，可食用潤滑液可以喺邊度搵得到呢？更重要嘅係，有冇人會真係自製呢啲人工精華呢？
男男女女袒胸露臂遊街做乜？唔通又係天體愛好者活動？原來呢班紐約男女之所以喺時代廣場露晒兩點出嚟，目的為咗爭取繼續合法露胸。話說紐約本嚟係全球少數地方，承認裸露嘅合法性，只係早前卻出現有裸體彩繪女性，被趕出時代廣場嘅事件，加上現任紐約市長白思豪認為時代廣場係全球知名景點，唔止市民會同屋企人嚟，更聚集咗全球各地遊客，因此要制止呢種行為。眼見裸胸有機會被禁，於是有人發起呢個名為「Go Topless」嘅裸胸護權遊行，並吸引300人參加。據活動發言人Rachel Jessee表示，佢哋嘅最終目的係讓全球女性有裸露上半身嘅自由。雖然唔知活動嘅成效，但可以肯定嘅係，呢次遊行吸引咗唔少群眾圍觀。
撰文：魂