隨住電玩迷嘅要求愈嚟愈高，家陣嘅遊戲商真係要絞盡腦汁開發新嘅遊戲玩法，而成人電玩亦不斷創出新玩法，好似日本成人電玩商ETERNAL喺9月推出嘅新作《劍聖機 ALPHA RIDE》，就分為「WHITE」同「BLACK」兩個部分。「WHITE」講述遊戲男主角颯真櫂，某夜開始經常發住同一個夢，佢父親得悉後就同佢道出箇中真相。原來佢家族嘅血統具有被異世界召喚，並肩負起維護異世界和平嘅使命，只係面對暗戀多年嘅青梅竹馬女友，男主角感到相當茫然，而喺某夜佢終於去咗異世界。「BLACK」則講述異世界嘅男主角武淵靜真，為咗拯救佢嘅義姐志乃，於是奮起作戰卻成為階下囚。化身成地下格鬥家嘅佢，為咗逃出生天不斷激戰，而戰鬥路上遇上令佢心動嘅美少女。