今期神劇《誓不低頭》劇情進入高潮，巴絲打話睇完激氣到瞓唔着，但慘嘅又何止謝文武一個呢？喺四仔界有件女叫Jenna Ivory，阿妹雖然無被屈坐監咁大鑊，但自細喺孤兒院長大嘅佢，性格自卑，後來學壞再加入四仔界，喺淫亂糜爛嘅生活中先學懂做人處世道理。早前Jenna向傳媒公開自己嘅身世，簡直係謝文武全家混合體！
Jenna一出世就被送入孤兒院，之後被送去寄養家庭，點知阿妹被人當「人球」咁踢，足足經歷過47個不同寄養家庭嘅生活，直至18歲宣布「獨立」。Jenna妹早前接受網站「VladTV」訪問道盡慘痛童年，阿妹強調絕無諗過藉此博取同情，純粹係想做一位勵志演說家，加上佢非常關注人權，希望提醒大家做人要多一點愛，尤其係自愛。Jenna深明自己係一個喺鏡頭前淫盡可夫嘅脫星，學人講自愛簡直笑大人個口，不過佢都要堅持分享，只因對有經歷嘅人嚟講傷口係唔會縫合，反而會更加關注世界各地孤兒消息，Jenna就係就其中一個。此外，阿妹自爆學壞及加入脫星界嘅經過，原來今日索爆嘅Jenna，當日被人睇死無作為，為咗啖氣，佢決定加入脫星界，更堅持走懷舊復古路線，當時別人笑佢太瘋癲，完全唔畀工作機會佢，直至阿妹被《Penthouse》睇中做封面女郎，終於吐氣揚眉！
自從上位之後，阿妹玩懷舊形象玩得更誇張，喺床上演出更夠薑，專搵重口味片廠合作，佢承認最喜愛合作嘅片廠係Evil Angel及DogFart，前者爆盡後門，後者主打黑人男優，至於佢最愛導演，係追求官能刺激、不理男女生死嘅Glenn King，呢位導演嘅四仔早被巴打稱為「人體奧妙展」，睇見封面都嚇襯。其實所有嘢都係Jenna預計之內，就好似佢個藝名Jenna一樣，無時無刻提醒自己，要做就要做到偶像Jenna Jameson一樣咁傳奇喎！
講咗咁多Jenna嘅過去，大家一定以為我想講呢件女有幾刻苦耐勞，錯晒！細佬想話你知，阿妹過去經歷係真，對奶亦係真，而其他嘅嘢都只係宣傳手法，本來睇完佢嘅訪問後都被感動，但之後原來阿妹有「續集」，上番同一網站同一節目，講理想講形象兼大爆四仔內幕，同期就飛去紐約各大夜場做騷，順勢宣傳個人網站開張大吉，講到尾咪又係借題發揮博出位囉！
一位名不經傳脫星仔，點解忽然彈上位？咪係靠食腦囉！Jenna Ivory唔介意被人話抄一代性感美人瑪麗蓮夢露，甚至歡迎各界抨擊，因為可以藉此製造話題幫佢上位。連阿妹都對傳媒話，自己過去就好似瑪麗蓮夢露咁苦痛而頑強喎！除此之外，阿妹仲非常厚面皮，事關佢從未同「男神」James Deen上床合作，偏偏阿妹以交流為名，主動相約對方執劑，事後掟上網同巴打分享，呢招借人過橋又一經典。搵名人上位之餘，阿妹又喺美國公路賣鹹網廣告，咁識食腦，抵佢上位啦！
撰文：祖