傳說中有種武功叫做童子功，練者保住處子之身自可發揮強橫實力，但係一旦破處就代表功力大打折扣。現代仲有冇人練此功我冇乜興趣想知，不過就知道一位索女因為處女身份而成為話題，佢就係索到爆晒燈，堪稱日本寫真界最強Body嘅染谷有香喇！
所謂永無最好，只有更好，日本水着界當中人氣鼎盛嘅女優好似原幹惠、杉原杏璃、篠崎愛咁，被一致公認美貌出眾、身材一流，之不過講到好身材其實未論到佢哋，原因係三位的確好波，個個都有對G奶頂住喺心口，可惜就係冇高挑身材，身高俱不過5呎5吋，咁邊個先叫做擁有一副真正好身材呢？咪近年火速上位嘅染谷有香囉！芳齡22歲嘅染谷有香雖然年輕，但係樣子就生得比較成熟，一派大姐姐風格有女人味又夠狐媚，認真迷死人呀！然而，講到迷人以及足以冧死麻甩佬，仲有阿妹呢副超絕品身材！有香身高5呎9吋，當今活躍業界嘅水着妹最高應該係佢喇！人高腿長嘅有香仲擁有36-24-35三圍，胸前有一對純天然極品G奶極具吸引力！無論係男係女睇見都會問一句：點解個天咁唔公平！亦難怪阿妹被稱為寫真界最強Body！
染谷有香身材如此完美，2010年就有雜誌獨具慧眼搵佢做時裝模特兒。由於有香出色嘅演出令佢喺模特兒界好似漆黑中嘅螢火蟲咁鮮明出眾，一年之後就獲電視界賞識，搵佢演出電視劇《華和家的四姊妹》，之後片約陸續有來，拍下嘅劇集包括最近播出嘅《7人的偶像搖擺舞！》雖然有香早已於幕前演出，但係前年至推出寫真DVD將其顛倒眾生嘅最強Body作全方位公開，原因唔知係咪有香思想比較保守呢？咁亦唔係冇道理，因為有香嘅父親係日本人，母親就係中國人，遺傳到中國女性嘅保守思想都唔出奇吖。可能係咁，據聞佢目前為止溝仔拍拖嘅次數為零，於是有傳媒就問有香冇拍過拖係咪即係冇上過床仲係處女呢？有香居然答話係，佢嘅處女身份就一度成為市民熱烈討論嘅話題。
染谷有香無論拍寫真DVD或寫真集，定係出席攝影會，期間都會嚟個性感自拍然後放上博客同大家分享，想睇艷照就要Click上佢個博客喇！
網址：http://ameblo.jp/someya-yuka/
年齡：22歲
身高：5呎9吋
三圍：36G-24-35
撰文：賢