女廁偷窺呢種行為相當唔要得，只係重慶有個樂園嘅女廁不但露天，而且幾乎可以畀人睇到晒，唔通佢設計嘅目的就係畀人用嚟（目及）嘢？呢個位於重慶美心長江風景區洋人街內，號稱全球最大嘅公廁，以童話城堡為設計理念，不但可以容納千人，而佢嘅頂層露天廁所更係一絕。分為藍紅兩色嘅露天廁所，藍色為男廁而紅色為女廁，而正當大家以為頂層嘅露天廁所未必有人睇到之際，唔好意思，原來呢個依山而建嘅廁所，只要企喺隔籬山頭，便可以見到廁格內郁動中嘅人頭，男嘅固然尷尬，女嘅更係挑戰膽量！話說回來，其實呢條街仲有啲極大膽又「前衞」嘅露天男用企廁，同樣挑戰使用者嘅心理底線。