有個樣靚身材正嘅貼心女友，已經令唔少男士感到滿足，若然呢位索女更係一位超級女星，嗰種滿足感同自豪感，令唔少男士興奮無比。而呢本日本人氣十八禁漫畫《Idol Lover》中嘅美少女，更係一位床上反應十足嘅女郎，試問咁完美嘅女友可以喺邊度搵呀！
不論係邊位漫畫家，出道前總要經過多番磨練，先至可以為未來嘅成功打好緊實嘅基礎，而早喺二千年中已經以漫畫家助手身份出道嘅野良黑Nero起初亦係如此。據佢講從未諗過可以成為獨當一面嘅漫畫家，更冇諗過可以喺十八禁漫畫界取得成功。佢出道時嘅畫風其實一啲都唔差，只係講到繪畫女性身材卻非佢嘅長處，更經常因將巨乳女角畫成貧乳而被人鬧。經過一番鍛煉後，佢不特善於描繪巨乳女性，身材比例及樣貌均相當誘人，故此從2007年開始以獨立漫畫家身份進行成人漫畫創作，並先後推出《魔之穴》同《好色稻子》兩本人氣單行本作品，而今次介紹嘅呢本喺今年6月底推出嘅《Idol Lover》係備受注目嘅最新作品。
合共11話嘅漫畫共分為四個故事，前8話為漫畫嘅重點《Idol Lover》，後面3話則分別為《只有兩個人的秘密》、《Lover Explosion》及《可愛小妹妹》。既然《Idol Lover》係漫畫嘅重點，故此自然相當引人入勝。話說男主角直樹及佐理奈本身係青梅竹馬嘅戀人，其後由於屋企嘅緣故而分開咗。多年後嘅某日直樹巧遇佐理奈，對方不但靚咗而身材更係前凸後趷添！可惜嘅係對方並唔記得佢，於是直樹只好諗盡辦法，甚至用身體嚟勾起對方嘅回憶，卻估唔到原來佐理奈其實一早認得佢，芳心同肉體亦早已蠢蠢欲動，只係礙於超級偶像嘅身份及經理人嘅反對，惟有扮做唔識得直樹。從呢刻開始，兩人不但要面對好色經理人嘅阻撓，更要為咗肉體同心靈嘅結合而努力。搞笑得嚟又溫馨嘅內容，加上出色嘅畫功，令呢套浪漫愛情故事睇起嚟更加有趣兼動人。當然，出色嘅鹽花場面及畫功，亦係佢成為佳作嘅原因之一。
漫畫名稱：《Idol Lover》
作 者：野良黑Nero
出 版：Core Magazine
撰文：魂