年輕活潑又可愛嘅森田涼花以水着女優身份出道以來，喺藝能發展如意，拍完特撮劇集《武士戰隊》擔任重要隊員之一嘅黃色戰士，又主演過電影《戰鬥少女外傳》，近日更進身主持行列，成為專門報道時代劇情報嘅節目《時代劇新聞御番庭》其中一位助理主持，可見涼花幾咁受歡迎。當然，除咗拍戲同做主持，都會繼續拍寫真，將其青春魅力以及鮮嫩胴體奉獻畀大家欣賞，寫真DVD《戀愛現實》就係其最新之作喇。為宣傳新作，涼花將會喺8月9日舉行簽名握手會，欲知參加詳情可以Click上http://www.i-one-net.com/event/128睇睇。當日只要去到活動會場幫襯買隻相關嘅寫真DVD，就可以同阿妹握手，買兩隻就可以參加攝影會，買夠三隻仲可以請涼花喺私人物品上簽名留念。無論買幾多隻DVD都好，涼花一樣會與眾同樂，進行猜枚比賽，參加者贏咗可以獲得神秘禮品一份。