係人都知世界難撈，做得囡囡無非想搵多啲錢，只係面對各種挑戰，每每都要絞盡腦汁，睇吓點樣可以喺呢個世界求存。好似有啲囡囡為咗搵銀，搏晒命去做結果搞壞招牌，亦有外國囡囡不惜漂洋過海到日本搵食，而佢哋之所以咁搏，當然係為咗錢囉！
做囡囡呢行最重要就係口碑，而大家亦知道建立口碑難，破壞口碑卻好容易，只係有啲囡囡明知道係咁，點解仲會自毀招牌呢？答案無非一個錢字！有位喺旺區做開樓上舖嘅囡囡，個樣唔錯身材亦標青，服務體貼又就得人，最重要係床上反應十足，試問呢啲元素加埋一齊又邊有得輸，口碑好，生意自然唔錯。點知近日卻有唔少負評流出，話囡囡服務差，個樣仲要勁殘。須知道負評嘅嘢一傳百咁傳出去，囡囡即刻頭都痕埋。原來佢為咗搵多啲，竟然冇好好咁管理生意，乜嘢時間都做，只要佢覺得做到就做，做得多個人自然殘，自己都唔夠休息仲邊有氣力招呼客人，所以話做囡囡一樣要識管理學呀！
有人需要上門按摩，又有正宗嘅按摩技師提供上門服務，喺咁嘅供求關係之下，理論上梗係一拍即合，點知最近佢哋不約而同扯火申訴。皆因佢哋家陣至發現內地網絡上，充斥各種色情上門按摩，客人誤叫之下嘥時間事小，搞到家嘈屋閉事大，而按摩師則諗盡辦法證明其身，仲要經常被人誤會，難怪佢哋要求有關方面嚴格取締呢啲色情按摩服務。對大家嚟講，呢種上門色情按摩服務未必玩過，亦非玩樂嘅好選擇，如果有關方面真係執正嚟做，睇嚟會有好多人受到影響。
咪以為日本嘅風俗店都係日本囡囡嘅天下，其實佢哋亦有唔少主打外國女郎嘅風俗店，而所謂外國亦有潮流性，好似以前興韓妹，跟住有段時間興北歐囡囡，而近年則流行歐洲囡囡，當中尤以希臘嘅金髮女郎最受日本玩家歡迎。除咗因為金髮女郎別有吸引力外，亦因為佢哋嘅價錢一啲都唔算貴，每60分鐘嘅服務盛惠約16,000日圓（約1,008港元），價格基本同一般風俗店收費相若，喺咁嘅情況下自然頗有市場。有價有市固然係吸引到希臘女郎到東瀛搵食其中一個原因，而另一個原因，相信唔少心水清嘅玩家早就諗到。由於希臘經濟差難搵食關係，故此囡囡為咗搵銀就算去日本咁遠都制，據聞有啲囡囡本身更係時裝模特兒嚟添！
早前台中嘉義有個都幾有名嘅色情美容店，被有關當局查封。本嚟驟眼睇落去呢單新聞都冇乜特別，只係佢卻引嚟唔少議論，事關現場被抓獲嘅兩位男玩家分別為21歲及25歲，而同佢哋服務嘅囡囡則係41歲同45歲，名副其實係中女級數，年紀更係相差近一倍。據兩位囡囡稱，佢哋喺場內提供半套服務，而生意亦相當唔錯。呢件事嘅重點除咗因為玩家同囡囡嘅年齡相去甚遠外，更因為唔少人家陣至發現原來中女都咁有市場。其實唔好話台中嘅中女有價有市，台北亦係如此。據業界人士稱，為咗吸引中女入行，每次1,600台幣嘅半套服務囡囡佔900台幣，而收費2,600台幣嘅全套服務，囡囡更佔達1,800台幣。咁高嘅回報，難怪吸引唔少中女入行。
撰文：魂