你有你投訴，我有我態度，講就叻，有邊個公眾人物做得到？有，咪係印度西施Sunny Leone囉！早前Sunny姐被印度當地人投訴佢個人網站未有做足「保護措施」，令未成年人士可以輕易免費瀏覽到色情內容，要求阿姐立即處理，否則會將事情搞大佢喎！但到今日，細佬登入Sunny姐嘅專屬網站，依然可以睇盡阿妹波哋，係咪會處理，只有當事人至知喇！咪以為Sunny姐是非纏身就會「龜縮」噃，反而仲好高調宣布，正式為印度某電視真人騷求愛節目《Splitsvilla》擔任第8季主持，宣傳片已派街，估唔到咁耐冇見，Sunny姐風情不減，睇佢喺陽光海灘下着住比堅尼騷波哋，簡直係樂事呀！而當事人亦對傳媒話好開心，喺靚沙灘工作兼瘋狂自拍，做多幾季都無所謂！