情慾大雜燴派對已經夠晒勁，若然仲要喺野外嚟個過百人派對，咁咪仲得人驚？話說位於英國格洛斯特郡嘅一條僅得30幾個居民嘅小村莊Flaxley，早排竟然喺莫名其妙嘅情況下，成為一個多達500人參加，名為「Swingfields 2015」嘅大雜燴派對場地，搞到一眾居民嬲到爆燈！點解要到事發後，一班居民先至知呢？原來睇番舉辦派對嘅大會稱，為咗可以保持神秘感，佢哋喺活動舉辦前兩日，先至通知參加者喺邊度舉辦，因此班淳樸嘅居民起初見到幾百架車嚟到時，都畀佢哋嚇咗一跳，及至見到車上掛住宣揚雜燴樂趣嘅標語時，先至意識到發生乜嘢事。居民見狀梗係嬲到爆兼搵警察投訴，原因並非佢哋喺公眾場所度荒淫，而係因為太過嘈吵。