呢排個股市好似過山車咁勁跌又勁升，有人就話有危便有機，只要捉得準，升市定跌市都有錢賺。有呢種諗法固然好，只係講到尾，跌市都有望回升，跌錢呢家嘢先至係重點。就好似去到夜場玩樂，諗住疏乎一番，結果嬉戲變谷氣，咁就真係爆到痹！
呢期唔理係股壇大鱷，定係升斗小市民，開口埋口總會講吓個股市，尤其係早前嘅超級大跌市，更係令股海蟻民孭住唔少蟹貨。咪以為呢個問題去唔到夜遊層面，唔少囡囡都因為呢單嘢搞到開工都冇Mood。好似港島區有位樓上舖囡囡，佢平時好鍾意同啲客講股經，佢眼光向來又唔錯，同時又有個美股關係，故此有「小股后」嘅外號。點知嗰排唔少熟客上到去，先至發現佢掛咗個休息牌，問番佢嘅姊妹至知，原來佢呢期蝕到入肉，冇晒心情於是放番幾日假。最近巴打報料，囡囡不但重操故業，仲嚟個特價酬賓。可能佢諗過度過，與其放假冇錢搵，不如再戰江湖好過，學似啲特賣店咁嚟個下午限定優惠，而以佢嘅人氣睇怕都好快回到本嘅。
台灣嘅手機聊天App，經常會發現外送茶、應召等色情資訊，有心者都會事先睇吓相中囡囡啱唔啱心水，先至決定落唔落疊。當然，心水清嘅玩家都知道，呢啲App上嘅囡囡，好多時都係用咗啲女優或模特兒相，然後再稍為改一下圖。不過好似呢個網站咁，不但喺網上偷用人哋嘅相，更懶到改都唔改就亂咁送出去，就真係過分咗啲。話說台北有位姓陳嘅小姐，佢有日收到朋友傳過嚟嘅相，相中女子雖然個樣打咗格仔，但從背景發現係佢自己旅行時嘅相，而最令佢氣憤嘅卻係相上寫住「正妹開放預約」，仲虛報佢嘅名字同三圍。佢得悉後馬上報案，而警方則聲稱已掌握嫌疑人，睇怕好快搵出邊個係幕後黑手。
以前內地由於被打到氣咳關係，唔少夜場唔係收埋就係索性摺埋，喺咁嘅情況下有唔少網上聊天中介應運而生。喺冇嘢食又唔知去邊度食嘅情況下，呢啲中介不但愈開愈多，收費更係愈嚟愈貴，高位更見過千五人仔，有人更話三千人仔都見過，都咪話唔誇張。雖然收得貴同埋個價任佢哋開，但喺冇得揀嘅情況下，捧場客大有人在，而佢哋亦睇準呢點，就算服務幾差都唔驚冇人落疊。不過隨住手鬆，大環境轉變，部分夜場開始偷雞搵食。冇讀過經濟嘅人都知，供應多咗價錢自然下降，部分中介開始減價，圖謀提高競爭性。只係佢哋當中有人以前得罪人多，真係唔知仲有冇人睬佢。
AV女優到風俗店客串嘅新聞時有所聞，只係呢條橋雖舊，但未必個個肯受，點解咁講呢？話說東京有間叫做Latin Quarte嘅洗浴風俗店，佢搵嚟今年已經31歲嘅前AV女優糸矢舞衣嚟客串。如果有留意開日本AV新聞，會知道呢位喺2006年出道嘅女優曾經有相當名氣，事關佢參加過藝能界工作，投身AV界後又同相崎琴音及春咲和津實，組成團體「糸崎和津實」開展音樂活動。可惜係隨住人氣慢慢下滑，及至2010年7月更以藝名Mei，走咗去洗浴風俗店兼職。挾住做女優時嘅名氣，起初佢生意相當唔錯，更喺2011年3月宣布引退。只可惜食咗幾年老本後，家陣仲以前女優之名搵食，效果有幾好，確實令人置疑。
撰文：魂