即將有部《巨聲架勢堂》嘅韓國電影上映，故事講一隊年輕結他歌手組合嘅青葱歲月以及愛情故事。小弟對呢種戲相當有好感，不過為免因浪漫感人嘅畫面搞到男人老狗眼濕濕，不如轉睇其他作品，好似日本頂級水着妹佐山彩香以及天木純，正正就係名堂響又好波嘅「巨胸架勢堂」喇。
我哋中國有好多被列為國寶嘅稀世奇珍，最為人熟悉嘅相信都係人見人愛嘅大熊貓喇。至於日本方面嘅國寶亦有唔少，但最能夠令男人火起嘅一定就係水着妹佐山彩香喇！2009年出道拍寫真嘅佐山彩香青春活潑，陽光氣息以及可愛面孔能夠將人深深吸引住，故擁有「日本第一可愛女子高中生」稱號。人氣與日俱增之下，彩香嘅寫真工作蜂擁而至，喺2012年高中畢業之後就正式轉做水着妹搵食。彩香妹皮白肉嫩，肉地彈手又光滑已經夠晒吸引，但係其F-Cup上圍又大又美觀，故被稱為「國寶級巨乳」，都咪話唔架勢。彩香自從拍完電視劇《GTO》之後，喺影視界發展順利，但係亦不忘拍寫真DVD，《素肌》就係最新作品喇。喺呢部作品當中，佐山彩香會將其鮮嫩胴體盡情展露，亦會特別去到光線充足嘅環境下擺盡各種性感誘人姿勢，畀大家欣賞到呢對國寶級巨乳有幾白滑剔透。
碟名：《素肌》
收錄時間：107分鐘
售價：約HK$257
意大利足球班霸祖雲達斯雖然失落歐聯冠軍，但係今個球季都拎咗甲組聯賽冠軍以及意大利盃成為雙冠王，成績極佳。近期日本水着界有位雙冠王亦相當具人氣，佢就係天木純喇。阿妹喺三年前出道，以偶像歌手身份發展，到近期至活躍於寫真界。19歲嘅天木純萌味十足，可愛到好似由少女漫畫走出嚟一樣，令人覺得唔多真實嘅仲有佢一副激凸身材。純妹身高5呎，但係上圍就有37吋I-Cup咁勁，而纖腰又只得23吋！上圍同腰圍相距甚大令胸脯顯得誇張。憑此上年純妹贏得第20代富有彈性QUEEN寶座，喺NEXT寫真女皇戰第三季亦贏得冠軍，真係厲害又有前途。現時純妹狀態好到不得了，其最新寫真DVD《是純！》大家一定唔好錯過。由於要顧及純情形象，動作唔會太過大膽，但衣着少布又貼身，令純妹活動時飽滿又富彈性嘅I奶不住蕩漾，似是就快跌出衫外嘅景致相當誘人，小心睇到流鼻血呀！
碟名：《是純！》
收錄時間：141分鐘
售價：約HK$325
撰文：賢