有云女兒十八無醜婦，其實個樣係咪真係好靚都唔緊要，要吸引男人注意，最最最重要嘅係十八少女嘅青春魅力以及無窮活力，好似新木櫻花咁活潑天真又好身材，就正得交關喇。
日本水着界新人多不勝數，當中有好多一出道就拍寫真，另外就有好多係踩過界嘅過江龍，好似火辣到震嘅小泉梓以及染谷有香咁，成名於時裝雜誌，後來挾住知名模特兒之名進軍水着界。此外仲有好多新人來自樂壇，早前為大家介紹嘅SKR48前成員佐藤聖羅就係其中一個，而新木櫻花則為另外一個。今年18歲嘅新木櫻花真係人比花嬌，亦好似剛剛盛開嘅花朵一樣充滿生氣。阿妹天真純情，玲瓏嘅五官令人如沐春風，唔需要張口大笑亦散發出甜美迷人嘅感覺。櫻花嘅身材亦相當唔錯，所謂一白遮三醜，其皮膚雪白剔透且帶血色，一睇就知健康狀況相當良好，再配合婀娜身形，令櫻花嘅胴體猶如盛放中嘅櫻花一樣百看不厭。
新木櫻花同唔少兼職做水着妹嘅女優一樣，來自樂壇組合，而佢所屬嘅組合就叫做LinQ，成立自2011年，喺兩年前至加入。櫻花妹成為成員，相信要多謝佢姐姐喇，因為其姊新木心美正係LinQ成員之一，見阿妹同自己一樣咁青春活潑，梗係搵埋佢嚟個姊妹檔搵食啦。之不過，櫻花嘅加入就令家姐顯得失色，原因係比家姐更靚女更可愛，更漸漸成為LinQ嘅主力成員之一。據聞自櫻花加入，LinQ嘅演唱會門券往往火速售罄，可見其受歡迎程度之高。櫻花歌藝唔錯，上年仲開始拍水着寫真展露青春光芒以及嬌美胴體，實行雙線發展。阿妹志氣相當高，表示希望可以同現時當紅嘅北川景子一樣成為知名女演員，我支持你呀！
從新木櫻花嘅博客，可以見到好多阿妹嘅自拍照片，大家不妨Click上去睇吓，不難發現阿妹有少少自戀傾向。
網址：http://ameblo.jp/sakura-araki/
年齡：18歲
身高：5呎2吋
三圍：33-23-33
撰文：賢