反咗面冇朋友做唔緊要，有生意做有錢搵先係重要！早前四仔廠ArchAngel同性格脫星Remy LaCroix提早解約，原因係片廠忍受唔到阿妹嘅臭脾氣，而當其時Remy妹拍緊由Tori Black親自執導嘅女同片《Remy's Angels》，所以大家都好關心呢部作品能否出街，而結果終於揭曉，作品最近喺ArchAngel嘅官網發售，咁即係話雖然廠方同Remy反面，但係四仔都拍咗，有錢搵點可以唔賺呢！Remy依然擔正做四仔封面，其餘有份參演嘅脫星包括Lexi Belle、Dana DeArmond、Lola Foxx、Dani Daniels及客串嘅Abella Danger等，雖然唔知Remay嘅戲份有冇被刪減，但睇情況，既然鬧翻都照出四仔，刪走戲份絕對冇着數，除非留低為將來出精選四仔啫。但講到最開心，應該係導演Tori Black至真，事關呢套係阿姐替ArchAngel執導嘅第二部四仔作品，假如未出街先難產，對Tori絕對係一大打擊，難怪佢接受成人網站XBIZ訪問時，都話好開心呢部作品可以順利出街，更有信心喺年終頒獎禮攞獎添！