相信冇一位女士願意被人叫做狐狸精，只係對內地人氣索模孟旖旎嚟講，不但一啲都唔介意，仲認為係一件好事。咪以為佢真係想成為拆散人哋家庭嘅第三者，而係佢天生同狐狸呢種動物有不解之緣，對狐狸精呢三個字情有獨鍾之餘，更憑此喺模特兒界打響名堂！
今年21歲，暱稱孟狐狸嘅孟旖旎，英文名叫做Fox。呢位嚟自遼寧瀋陽嘅勾魂美女，原來並非純種中國人，而係同時擁有中國、白俄羅斯同蒙古嘅血統，唔知係咪糅合多國美女嘅特質，不但令佢散發出與別不同嘅混血美女魔力，更擁有非比尋常嘅出眾身材呢？據佢講之所以改做Fox，呢個解做狐狸嘅英文名，皆因自細就覺得自己嘅樣貌同狐狸好似。只係喺朋友嘅眼中，卻覺得佢有狐狸精般嘅攝人魅力，於是佢便以狐狸同Fox作為藝名。事實上，喺佢從事模特兒工作前，艷名已廣為大家所熟悉。先唔講佢喺北京民族大學藝術學院音樂表演系就讀時，已經係校內風頭躉，更先後喺多個選美及模特兒比賽中獲得殊榮，當中分別有深圳旅遊小姐選美大賽亞軍、超模寶貝亞軍等等。
講到佢嘅模特兒工作亦表現得相當出色，除咗係位專業內衣模特兒外，更係一位人氣車模，曾於北京國際汽車展、江蘇南京車展、瀋陽國際車展、大連春季汽車博覽會、上海車展等大型車展中亮相。此外，佢又拍過廣告、做過代言人及在電視劇及電影中登場。事實上，自2013年開始已將發展方向集中於演藝界上。咪以為作為模特兒嘅佢，演戲對佢嚟講有相當難度，事實上憑住以往喺藝術學院打好嘅根基，加上後天嘅努力，佢嘅演出深得大家認同，難怪佢對演藝事業有相當自信。正當大家以為佢從此淡出模特兒界之際，佢表示仍唔會放棄呢份工作，仍然會繼續拍攝迷人寫真，以答謝大家對佢一直以嚟嘅支持。相信喺不久將來，我哋可以喺網絡、雜誌、電視、電影，甚至樂壇中見到佢嘅身影。
擁有36E激凸雙子峰嘅孟旖旎，不但冇將佢呢個誘人天賦本錢收埋，反而大方咁將佢展示喺大家眼前，配合埋佢迷人嘅樣貌，充分展現出猶如狐狸精般誘人嘅特質。如果想加深對佢認識，就要去佢嘅個人微博度睇吓喇！
網址：weibo.com/yiny217
出生地：遼寧瀋陽
身高：177cm
三圍：36、28、39
撰文：魂