好食嘅嘢要添食，好玩嘅遊戲梗係唔可以畀佢停，因此日本人氣電玩公司Marmalade，喺去年8月推出十八禁遊戲《Primal × Hearts》後，宣布將喺今年同月推出續集《Primal × Hearts 2》，以滿足意猶未盡嘅玩家。
故事講述前作六年後嘅學園愛情故事，男主角放完暑假後，轉到新學園開始新嘅生活，卻估唔到甫踏入學園，就被兩班女生扯住，原來佢哋係兩個敵對社團月華會同天道會。由於兩個社團支持者人數一樣，故此長久以嚟都紛爭不斷，眼見家陣有新學員加入，於是各出奇謀拉攏男主角，希望成為最大社團並將對方擊倒。喺眾女一男嘅情況下，男主角既要幫忙搞文化祭同體育祭，又要周旋眾女嘅情慾糾纏間，真係忙到出晒煙呀！
撰文：魂