唔知今年係咪好時年，到截稿前為止小弟已經赴約四場婚宴，嚟緊仲要飲多幾餐喜酒添！而喺日本AV界最近亦傳出一單婚訊，就係菓子系天后朝美穗香終於同男友拉埋天窗，真係戥阿妹高興！
日本AV女優光輝嘅日子唔長，能夠活躍多年依然保持人氣高企嘅例子唔多，天后吉澤明步只係少數。而女優們光輝過後，又會去邊呢？有部分會轉做風俗孃、陪酒孃，亦有女優好似天后松島楓咁搵到個好歸宿嫁人做賢妻良母，另外亦有女優會挾住高人氣同知名度勇闖藝能界，實行從良做藝人，當中成功嘅例子有及川奈央及高樹瑪莉亞。除咗佢哋之外，成功喺藝能界發展嘅仲有朝美穗香。於2005年出道嘅穗香以甜美面孔以及高超性技而紅遍AV界，引退之後，近年喺藝能界發展如魚得水，做舞台劇又主持藝能節目，如近期嘅《Onna之解放區》。由於人氣高企，連手機聊天軟件LINE都為佢推出專屬貼圖系列，足見其受歡迎程度。
早前穗香度過咗33歲生日，佢更喺微博隆重發表下嫁演員下川真矢嘅喜訊，恭喜！至於下川真矢亦同時喺微博發表婚訊，證明二人相當有默契。下川真矢今年35歲，拍過唔少特攝劇集如《轟轟戰隊》、《侍戰隊》等，名氣唔算好高，與穗香拍拖3年，終於拉埋天窗，真係令人感動！穗香形容真矢和善、誠實、可靠，好多地方同父親相似。其實，穗香都唔係第一次表示鍾情同父親相似嘅男人，幾年前有傳阿妹同比佢年紀大32年嘅老牌搞笑演員志村健拍拖。至於真矢就大讚穗香係一百分好女友，世上冇人可以取代佢。傳出喜訊之後，好多女優都戥穗香高興，同穗香同期喺AV廠S1發展嘅空姐蒼井空仲第一時間喺自己嘅微博留言祝福好姊妹添！
朝美穗香今次出嫁，可以話係近幾年引退AV天后傳出嚟最值得慶賀嘅消息之一。其實歷來好多女優引退之後可謂音訊杳然，然而，2012年突然有一則有關前AV 天后松島楓嘅消息出現，而且仲有圖有真相。活躍於2000年代中後期嘅松島楓，其絕色美貌、曼妙身材以及無人能及嘅淫靡演技，令AV迷對佢追捧有加，2007年宣告引退嫁人，但係一年多之後又復出，喺2010年再次引退，同年傳出松島楓懷孕嘅消息。兩年後，松島楓被人於街頭「捕獲」，影到佢以平實衣着行街，仲推住架嬰兒車，身上孭住個小朋友，見到松島楓做咗賢妻良母，不少AV迷雖然表示失落，但係都好戥佢高興。
碟名：《出汗！潮吹！運動游擊隊Vol.3》
片長：160分鐘
出品：MAXING
內容：穗香同吉澤明步、蒼井空曾經一齊為S1効力，感情相當要好，而穗香仲同明步一樣獲得S1以及MAXING「高規格」對待，點高法？就係容許穗香同時為兩間片廠拍片喇！《出汗！潮吹！運動游擊隊Vol.3》就係穗香同MAXING合作嘅絕世佳作！當中穗香換上多款運動服，以活潑、開朗又精靈嘅態度同男優激戰，玩到出晒汗之外，更畀男優搞到潮吹大爆發，好精彩呀！
撰文：賢