Game艷之談:索女群中吸血鬼

喺西方嘅傳說中,吸血鬼最愛吸索女嘅血,故此可以話係佢哋嘅敵人,只係喺日本成人遊戲商嘅最新十八禁電玩作《love, VAMPIRE FLOWERS》中,男吸血鬼不但相當親切,型爆嘅外形更係令一眾美少女神魂顛倒添!故事講述喺長崎市偏遠郊區有所名為長海嘅學園,原為女校嘅佢今年改為男女校,全校唯一嘅男生春人,同一班可愛美少女組成園藝部,每日過住養花種草同風花雪月嘅日子,真係既風流又過癮。點知有日學園出現吸血鬼嘅傳聞,仲有女生被襲擊,眾美少女決定搵出答案之際,原來春人竟然有個神秘身份,就係一個失憶嘅吸血鬼!雖然眾美少女覺得春人唔係咁嘅人,但佢嘅身份卻相當可疑,究竟真相係點呢?就要等大家慢慢查喇!

開發商:COSMIC CUTE

售價:約HK$563

撰文:魂