模影模蹤:稻森美優努力夢成真

現代人乜都要快,食飯要快、上網要快,搵錢更加希望快快快,但並非每件事話做就做到,成功必須經過一番苦幹。好似家陣經常四圍登台嘅火辣美少女偶像稻森美優咁,經過連番失敗,最後靠努力令自己偶像歌手之夢成真。

醉人姣味

日本水着界人才輩出,大量新人湧現將其甜美面孔及青春肉體獻畀大家欣賞,之不過佢哋目光遠大,講得唔好聽就係別有用心,因為唔少水着妹都一心諗住以性感成名,繼而學綾瀨遙咁搖身一變成為紅透影視界嘅演員,又或者一躍成為樂壇女歌手,以歌藝吸引觀眾,當然亦有女優會兩棲發展,為自己爭取財路,就好似稻森美優咁。第一眼見到稻森美優,實在令小弟眼前一亮,因為佢個樣生得幾似曾經紅透亞洲嘅AV女優雨宮琴音。美優五官標致,可愛得嚟帶有一種醉人姣味,令麻甩佬床頭金盡嘅往往就係呢類型女仔喇。美優副偈同樣令人兩眼放光,擁有5呎6吋嘅高挑身材,雙腿修長同時上圍又有斤両十足嘅D奶,如此纖巧婀娜嘅胴體認真難得一見。

只差一步

稻森美優喺2007年加入水着界,由於得唔到重用,故一年後同事務所解約,開始個人發展。佢一心想成為活躍樂壇及寫真界嘅兩棲偶像,之但係喺樂壇方面就面對過唔少挫折,參加多個樂壇美少女組合,例如AKB48嘅面試都以失敗告終,之但係以水着妹身份參加汐留寫真甲子園2011以及日本Telegenic 2012都成功進身準決賽,喺後者更獲得獎項。之後,喺寫真界發展如意而成功踏足電視圈,之但係仲未搵到機會做佢最想做嘅偶像歌手,故被人稱為「只差一步的偶像」。美優一邊拍寫真搵食,一邊努力將唱功及舞功提升,終喺2012年成為美少女偶像團體「Alice In Alice」嘅成員,而從團體畢業之後瞬即加入同為美少女團體嘅GracoRex,夢想終於成真。

個人博客

稻森美優現時每日都同組合成員忙於綵排及演出,大家可以從佢嘅博客睇到有幾努力同認真作舞台演出喇。

網址:http://ameblo.jp/inyamori/

稻森美優Profile

年齡:26歲

身高:5呎6吋

三圍:32-23-32

撰文: 賢