有碟話碟:當打乳神 搖到你暈

夏天來到,快啲嚟享受陽光與海灘啦!不過,大家外出活動嘅時候最緊要做足防曬措施,仲要留意身體狀況,萬一流汗太多,而又見頭暈暈就要喺陰涼地方休息,慎防中暑喇。之但係,唔外出有時都會頭暈,好似欣賞日本水着寫真DVD咁,見到班巨乳女優搖風擺柳,連巨大嘅胸脯都搖埋一份,真係睇到你頭暈眼花呀!

橘花凜天后接班人

上年隆重登場嘅日本水着妹橘花凜認真冇改錯名,現年24歲嘅佢自信心爆棚,拍寫真時英姿凜凜,神采飛揚,最令人留意嘅都仲係佢堅挺、飽滿又圓潤嘅H-Cup上圍!出場時自信心滿瀉,挺起巨乳更發出極具挑逗性嘅「胸」光,難怪人氣火速勁升,大家只要去日本嘅便利店行一圈,就可以見到橘花凜登上不同雜誌做封面女神,人氣相當之高。此外,幫助凜妹人氣上升嘅原因,仲因為佢同當今水着天后原幹惠身材同面貌都甚為相似,適逢原幹惠近年掛住拍戲,抽唔到時間出嚟拍寫真DVD,而橘花凜嘅出現正好滿足惠妹班粉絲以及廣大寫真迷對巨乳嘅需要。喺凜妹嘅最新力作《黑貓の凛喵》,會穿上半罩型胸圍,令對H奶大部分都擠晒出嚟,最抵死仲會搖晃巨乳,又扮成小貓咁彎腰兼倒奶展露火辣而可愛嘅身材,真係畀佢冧暈喇!

鷹羽澪又長又大

上年日本水着界嘅新人如雨後春筍般大量出現,亦有好多女優經過一兩年日子醞釀,終於來個大爆發,狀態同人氣都推向高峰,鷹羽澪就係其中一位喇。今年21歲嘅鷹羽澪雖然有少少矇豬眼,但係整體樣子甜美嫩口,收起笑容嘅時候又帶點倔強冷艷氣質,別具風韻。當然,好多人注意嘅一定係佢副無敵靚偈。身高5呎5吋嘅鷹羽澪由於夠晒纖瘦,睇落感覺高挑,高得嚟令上圍嘅39I水滴形美巨乳真係大到震撼,雙手輕輕將雙峰一夾就出現迷人長溝!加埋纖腰及美腿,令呢副胴體火辣之極。喺鷹羽澪嘅寫真DVD新作《Heart-Up》中,製作單位就特別為我哋觀眾設想,派出一對神秘之手入鏡幫鷹羽澪做全身按摩,見到呢雙手游走於阿妹身上,認真睇到心癢難熬呀!另外,鷹羽澪仲會去到海灘同溫泉區取景,換上大量三點式一騷嬌軀美態,搖蕩其驕人I奶,正呀!

撰文:賢