喺2013年7月底推出嘅日本人氣PS3遊戲《Dragon's Crown》，憑住橫向打寶嘅玩法，令佢成為超人氣作品之餘，遊戲中嘅兩位女角亦同樣備受注目，尤其係今次介紹嘅呢位女巫，佢一對巨乳加上一對修長美腿更係超級誘人。最新登場嘅女巫模型，焦點當然仍然落喺佢對巨型車頭燈上，充分展現非比尋常嘅魔力，配合埋一對修長靚腿，單係賣相已經相當吸引。模型為咗更添玩味，玩家呢次更可以除埋佢頂魔法帽落嚟，不但可以幫佢轉換另一個造型，仲可以睇晒佢個靚樣。不論係咪《Dragon's Crown》女巫嘅粉絲，都會情不自禁咁愛上佢。