如果問已婚女人有邊種動物佢哋最討厭嘅話，答案一定非狐狸莫屬。無他，係女人都憎狐狸精嘛！不過呢隻由日本電玩公司Gumisoft，所推出嘅最新十八禁遊戲《天氣雨》中嘅兩位狐狸精，不但唔會令人覺得討厭，天性純真嘅佢哋更惹人憐愛。故事講述放緊暑假嘅男主角，有日收到住喺鄉下嘅祖父病重消息，於是回鄉探望。可幸祖父身體無恙，而佢亦樂得喺鄉下過暑假，卻估唔到喺森林遇到兩個狐狸精美少女。佢被對方純真同旺盛嘅好奇心所迷倒，更同兩位美少女開展一段唔單純嘅戀愛。不過面對暑假完結嘅日子漸漸逼近，男主角不但糾結於揀邊個做老婆，最麻煩嘅就係跟住落嚟點算呢？