「來來回回仍念記，從前曾陪伴你。」除咗呢句歌詞，細佬諗唔到有乜可以形容到美國脫星Cytherea嘅回歸。阿妹今年33歲，喺四仔界打滾咗11年，早前細佬曾報道過Cytherea由昔日花旦，變成甘草演員，再決定搞個「驚世」Project，同網站「AdultVerifiedVideoChat.com」合作搞拍賣肉體，同粉絲執劑，最後反應係點？連成人新聞網都冇Update，睇怕都唔慌好收場啦！
玩完拍賣，以為阿妹會對四仔界死心，但事實只係前奏。最近Cytherea接受成人新聞網站訪問，表示要全面復出拍四仔，遲吓會喺拉斯維加斯搞大型復出騷造勢，阿妹更表示誓要重奪「潮吹女王」美譽，報答一直以來支持佢嘅忠實粉絲喎！呢個訪問喺YouTube有得睇（網址：www.youtube.com/watch?v=8qcmQ4WO2H4），只見步入「中女界」嘅Cytherea化咗一個超濃妝，副偈仲Keep得住，無奈數據最公正，至截稿前為止觀看次數唔過2,000，足見阿妹有幾多人關注。咁又何苦呢，Cytherea喺脫星界碌咗11年，要爆要吹乜都表演過，係要紅早就紅爆歐美啦，咁樣喺四仔界浮浮沉沉、來來回回，唔通阿妹真係覺得四仔迷會念記佢？
撰文：祖