日本嘅十八禁漫畫向來不乏捧場客，連帶出現成人向嘅插畫集，好似《PUSH!! Illustrations Archives》就係一個好例子。日本模型廠商Orchidseed早前決定，為呢本插畫嘅封面女郎推出模型。呢位身穿水手服，頭戴闊邊太陽帽嘅美少女，乃出自人氣十八禁插畫師有葉之手。須知道佢向嚟以畫純情兼身材火辣美少女出晒名，故此可肯定模型睇頭十足。嗰對激凸車頭燈固然係焦點，性感泳褲加埋脫到落膝頭嘅百褶裙，更令大家產生唔少嘅遐想。此外，玩家仲可以親手除埋佢個胸圍，露出一對誘人車頭燈，令觀賞性大大提升！