靚女侍應加埋露出半個車頭燈，呢個賣相夠唔夠吸引？想知邊度有啲咁正嘅女侍應，就要去美國德薩斯州嘅著名餐廳Twin Peaks。正如直譯做雙子峰嘅店名一樣，店內女侍應不但酥胸半露，配合埋迷人事業線，真係未落柯打都已經舔晒脷。
呢間由Randy Dewitt同Scott Gordon兩位男士喺2005年開設嘅餐廳，不但主打美式餐飲同啤酒，更喺女侍應嘅造型上做足工夫。紅色格仔貼身低胸襯衫，加上卡其色嘅熱褲，將一班精挑細選出嚟嘅索女身材表露無遺。此外，佢哋又會喺一啲特別嘅日子，讓迷人嘅女侍應換上更加性感嘅制服，實行讓男士眼睛大吃冰淇淋。呢個咁養眼又有諗頭嘅創意，不但令佢極速發展，現於全美有多達61間分店，更喺商業頒獎禮上屢獲殊榮。
撰文：魂