模影模蹤:陳子睿善良自戀狂

自信同自戀,兩個唔同角度嘅睇法,只係前者會覺得迷人,後者卻好多時被人嫌棄。不過同一件事,同一個詞語落喺內地人氣模特兒陳子睿身上,縱使佢坦白承認自己係個自戀狂,不但唔會令人覺得討厭,反而會因充滿自信嘅性格而令人着迷。

煥然一新

今年23歲,英文名叫Auna嘅火辣女模陳子睿,當初並非以呢個名字出道,而係以陳思凡開展佢嘅模特兒生涯。早喺2009年參加過國際亞裔小姐選美,仲入埋總決賽,另外又參加過廣州模特新星比賽。選美經驗相當豐富嘅佢,雖然未能得到任何獎項,但佢迷人嘅五官及前凸後趷嘅身材,尤其係佢對34E車頭燈,令人留下深刻嘅印象。憑住如此出眾嘅外形,令佢好快喺模特兒界打響名堂,先後喺時尚雜誌、電視廣告、時裝騷等現身,並且成為韓國服飾代言人添!不過講到佢真正爆紅,卻要數到2013年7月以Show Girl身份喺內地電玩界盛事ChinaJoy上亮相。當時已改名陳子睿嘅佢,以激凸嘅上圍及外冷內熱嘅氣質,成為當時嘅網絡紅人。

充滿自信

用外冷內熱嚟形容佢真係一啲都冇錯!事關佢畀人嘅感覺就係態度冰冷,卻同時露出熱情無比嘅眼神,正因為呢種魅力至可以令人神魂顛倒。當然,有人覺得佢雖然身材火辣,但個樣卻係靠化妝先至可以咁完美。個性直率嘅佢聽到呢啲批評聲音,竟喺佢嘅微博上上載一系列素顏樣,憑事實證明佢嘅靚樣並非單靠化妝而得嚟。隨住佢喺網上同大家接觸愈多,愈發覺佢係個坦白又開朗嘅索女,而佢嘅坦白程度更係有時令人驚訝!事關佢坦言自己係個相當自戀嘅人,故此最愛自拍靚相畀大家睇,並稱呢種行為做善良嘅自戀。當然,對識得佢嘅粉絲嚟講,呢種自戀態度不但唔會令人抗拒,反而覺得坦率得咁徹底嘅行為,更加得到大家嘅歡心添!

個人微博

陳子睿嗰對激凸嘅雙子峰,真係任何時候都睇到人流晒口水,配合埋佢外冷內熱嘅氣質,更係令人着迷不已。如果想知呢位直率無比嘅索女,係咪真係外冷內熱,又想追蹤佢嘅近況,最重要係想知道佢有乜火辣自拍靚相上載嘅話,不妨去佢個微博成為追隨者之一。

網址:weibo.com/sifanchen

陳子睿Profile

出生地:廣州

身 高:165cm

三 圍:34E、24、36

撰文:魂