男人都有一個稱王稱霸嘅夢想，即使唔希望喺工作上稱王，亦好想好想喺床上稱王。至於女士稱王之心唔強，但係一樣會向女王追逐，好似安藤遙咁就好努力磨練演技，希望有朝一日可以同「女王級」演員天海祐希同台演出。
童顏巨乳好多時都能夠引起男人嘅興趣，之不過，咁就可以滿足到大家咩？我哋其實可以有更多、更合理嘅要求，集合上述兩個條件之外再加多一個，就係薄身喇！太貪心？太難搵？絕對冇咁嘅事，正如世上有國家擁有良好經濟環境，有自由民主同時又有優良傳統文化一樣，擺喺我哋眼前嘅就有一個安藤遙喇！23歲嘅遙妹精靈標致，嬌俏又可愛，夠晒童顏啦！佢仲有一對33吋F-Cup美巨乳，由於此乳又大又彈又夠美觀，實在相當少見，故被稱為「奢華之巨乳」。遙妹胸前巨乳蕩漾，但只身高5呎，生得細細粒且非常薄身，比起好多肉感型童顏巨乳女優更少見，就算喺AV界都好難搵到類似嘅女優。
2007年，安藤遙成功通過選拔活動，成為賽車女郎OHLINS GIRLS其中一員，雖然遙妹生得矮小，但係胸前對巨大車頭燈為佢開路，吸引大量男觀眾注意。做厭咗賽車女郎，佢又成為美少女樂壇組合「Apple tale」成員，而呢個組合就規定每個成員都需要能唱能跳，仲要識得彈樂器，呢一個要求對於遙妹絕對冇問題，事關佢曾經去維也納嘅音樂學校留學，除咗鋼琴技巧卓越，且擁有絕對音感，即係對音樂相當敏感。近期遙妹除咗喺樂壇發展，仲開始主持網絡電視節目，去到彈珠機店做直擊報道嘅節目《實戰守山私塾》，另一方面亦努力學習做戲，電視劇《牙狼〈GARO〉-魔戒之花》就有其戲份喇。安藤遙就話自己嘅演技大有進步空間，希望可以盡快同偶像 ——《女王的教室》女主角天海祐希一齊演出一劇。
安藤遙愛健康又愛化妝，大家可以從佢個博客見到好多化妝以及識飲識食嘅資訊，有興趣不妨同遙妹交流箇中心得。
網址：http://ameblo.jp/andouharuka/
年齡：23歲
身高：5呎
三圍：33F-23-34
撰文：賢