雖然日本人氣動漫作品《Fate/EXTRA》中嘅女主角Saber，個樣夠晒可愛，身材玲瓏浮凸得嚟又打得，但模型卻經常以戰鬥形態登場，搞到佢空有一副好波哋，卻苦無機會畀佢騷「哥利」。不過唔緊要，皆因佢最新登場嘅模型就以水着造型亮相，正好畀大家機會欣賞一下呢位女戰神嘅迷人美態。究竟Saber嘅身材有幾好？一對迷人車頭燈分量十足，加埋嗰條蛇腰同埋修長美腿，絕對係魔鬼級數身材，而今次佢更換上比堅尼上陣，將迷人本錢盡收於玩家眼底。此外，佢套比堅尼嘅設計亦相當獨特，碎花設計可愛得嚟又不失貴氣，足見原型師設計嘅用心。