近年各大小鹹網都會搞乜乜選舉，總之選個脫星出嚟又話正又話堅砌得，事實係此舉一家便宜兩家着，鹹網夠話題性提升瀏覽量，而脫星則可以成功上位，難怪一眾脫星都視鹹網為兵家必爭之地，出錢出力瞓晒身都要爭個獎呀！
講歷史又怕你哋悶，唔講又驚你哋唔記得，上年四仔分銷網站「TLA RAW」搞咗個「脫星爭霸戰」，最後兩強係Maddy O'Reilly及奶神Siri之爭，本來Maddy坐定粒六贏梗，點知結果係Siri爆冷勝出，成為該網站代言人，之後佢愈嚟愈紅，今日更上埋「神枱級」，你話網站嘅威力幾厲害呢！反觀輸家Maddy繼續浮沉，打擊都算大囉！從呢次事件，足以證明鹹網同脫星關係有幾咁密切，你靠我賣片，我又靠你開飯，而過去一年，由大型鹹網Twistys到細到冇人留意嘅免費鹹網都搞乜乜選舉，可見一斑！一個叫「Girlsway」女同片網站，由今年初開始選出每月之星「Girl of the Month」，連成人新聞網站XBIZ都有報道，而5月之星就係22歲新女Jenna Sativa。問心，呢個網站你瀏覽過未？過去嗰四個月之星你又知唔知係邊個？以上統統巴打都冇乜關注，之但係Jenna妹已經無聲無色上咗位喇！
Jenna Sativa架生一般，三圍34C-24-37，加入脫星界一年，主打Softcore四仔，冇乜代表作，係女同脫星一名，入行前曾經喺夜場跳舞，亦有客串玩視頻。而Jenna成為5月之星後，即刻上網站接受訪問，佢話好開心好興奮，繼續瞓身肉搏回報粉絲，網站亦為佢度身訂造個人四仔，作品好快會派街咁話。
睇番過去四個月之星，1月係身經百戰嘅Lola Foxx，2月係紅到爆嘅Shyla Jennings，3月係Samantha Rone，4月係Cherie Deville，以上四位脫星走勢強勁，每個月至少有兩套大作派街，當中Shyla Jennings最架勢，上年攞完AVN All-Girl Performer of The Year獎項後，今年又再獲提名，實力受到肯定。而阿妹喺社交網站表示工作停不了，巡迴全國做騷、擔任性博覽嘉賓及上收費電視台做主持等，瓣數超多呀！至於Samantha Rone都唔曳，入行3年但只得21歲，家陣瞓身女同界，網片四仔齊發功，做到落唔到床呀！網友喺討論區都覺得，呢啲有名無實嘅選舉的確幫到囡囡，雖然唔會有實際收益，但係令人氣大升，想唔紅都幾難！
嗰頭女同網站Girlsway搞個每月之星，呢邊廂大型鹹網Twistys舉行一年一度嘅「Treats Of The Year」又接受網友投票喇！回顧對上三年嘅得獎脫星分別係Nicole Aniston、Mia Malkova及Taylor Vixen ，三位囡囡都紅到今日，難怪今屆有份入圍嘅Abigail Mac對傳媒話能夠奪獎係每個業界囡囡嘅夢想！粉絲們要支持偶像，快啲上網投票喇！
網址：www.twistys.com/toty/voting/
撰文：祖