宅男天地：好股惑

咪以為日本成人模型只係得個睇字，查實佢仲可以好功能化兼玩味十足，就好似呢位嚟自人氣電玩《閃亂神樂 少女們的真影》嘅女角雲雀，其最新登場嘅模型就畀到大家呢種新鮮嘅體驗。須知道雲雀嘅身材相當火辣，前有一對巨型車頭燈，後有渾圓美股，而今次佢以酥胸半露同露股造型登場，睇頭十足。不過講到最大嘅賣點，係模型以彈性軟膠製造，除咗好手感，最過癮嘅係可以利用佢個美股作為夾子，例如夾原子筆、萬字夾、間尺等文具，好鬼正！