男人總希望自己個女友係個出得廳堂又入得廚房嘅女人，只係老實講咁樣仲未算係完美，事關若然喺呢兩點上再加上動靜皆宜四個字，就真係堪稱完美。現實中有冇咁嘅女人存在？梗係有啦！佢就係南韓人氣車模李恩慧。
雖然呢位嚟自南韓嘅模特兒，論年紀嘅話並唔算輕，但今年28歲嘅佢卻擁有其他模特兒所冇嘅女人味，加上騷在骨子裏嘅媚態及玲瓏浮凸嘅身材，輕易地令佢成為男士嘅焦點。事實上，身高171厘米嘅佢從事模特兒工作並唔算長，翻查資料其實佢喺2011年至正式投身模特兒界，而佢成名嘅地方亦非雜誌封面或網絡，而係喺男人嘅勝地賽車場！話說佢喺2011年10月，喺南韓進行嘅F1方程式大獎賽中，以賽車女郎嘅身份亮相，佢出眾嘅外形不但成為賽場內嘅焦點，而佢迷人嘅美態更成為所有人嘅拍攝對象，相片經媒體流傳出去後令佢嘅名氣極速飆升。其後佢又以賽車女郎身份現身於南韓電單車賽冠軍賽、汽車節等場合，從此奠定佢賽車女郎嘅天后級地位，至今佢仍活躍於賽車場內。
喺現實生活中，佢除咗經常亮相於賽車場外，原來佢亦鍾意呢種講求速度嘅運動。雖然佢自問技術並唔算厲害，但好享受當中嘅速度感，尤其係高速攻彎嘅時候，完成後更有種莫名嘅快感。如果話佢呢種屬於動嘅一面，咁另一面相對嚟講就屬於靜，點解？皆因佢除咗鍾意賽車外，其實亦係一位打機迷，出色嘅遊戲技巧及誘人嘅外形，令佢喺南韓嘅遊戲界中頗有名氣。更先後喺2011年11月成為日本遊戲開發商世嘉嘅模特兒，又經常為南韓嘅遊戲代言，名副其實係位動靜皆宜嘅索女。事實上，睇番佢以上兩種愛好，唔難發現佢所鍾意嘅嘢其實都幾偏向男性，難怪佢亦自言性格豪爽，男性朋友唔單止相當多，更被大家視為「好兄弟」。有個咁索又玩得投契嘅索女做女友，真係夫復何求呀！
動靜皆宜嘅李恩慧固然係男士心目中嘅女神，佢嘅氣質、身材同埋嗰種女人味，更係令男人為之神魂顛倒。想知道係咪真係咁誇張，可以去佢嘅面書上欣賞，仲可以追蹤佢嘅最新近況。
網址：www.facebook.com/EunhyeSonic
出生地：南韓
身高：171cm
三圍：34、24、35
撰文：魂