Leopard中文解豹，係貓科類一種，特性係適應能力強，行蹤隱秘，鍾意獨來獨往，被喻為林中黑暗殺手。因此被人形容為「豹妹」，意即話你生人勿近也！但咁唔代表冇人識欣賞，索妹Meghan Leopard鍾意花豹，連個名都同豹有關，甚至喺身上整豹紋，名正言順係一件豹妹，係咪覺得好瘋狂呢？
豹予人野性難馴之感，咁套喺人身上，如果話你係豹妹，一定好難招呼囉！但事實又唔係咁噃，Meghan Leopard係美國新進裸模，佢最出名除咗個名夠辣，大腿紋身，仲有佢聽教聽話性格！同佢合作過嘅攝影師，好似知名裸模攝影師Damir K.喺網站表示，同阿妹合作係一次非常愉快體驗，態度好、可塑性高，最難得係任勞任怨，喺現今裸模界實屬難得！
至於外界最關心，係佢背後故事，據Meghan喺個人網站自爆，原來佢好欣賞花豹特性，獨立、冷靜，高傲、舉止優雅又性感，世上無一種動物可以集以上優點，所以好希望以豹為目標，做一位成功演藝者。結果喺佢20歲加入演藝界，任何Model工作都嘗試過，到2012年11月，更被Playboy力邀拍攝處女寫真，當時佢話無顧慮裸體與否，只要有美感乜都冇所謂！亦因為嗰次，Meghan右邊大髀嘅豹紋紋身得以曝光，除咗係阿妹個人Icon，亦為波哋多添幾分野性！
正當各界都關注阿妹全力進軍裸模行列，不過Meghan似乎唔係咁諗，只繼續喺各大媒介出現，平日指定動作係展覽Model，就連指甲Model佢都唔放過，阿妹亦有客串音樂MV，可惜成績一般般，事關男人目光只係想睇阿妹副偈，每次當公司安排佢拍裸體寫真，先被動現身。Meghan接受ForGuysMag網上雜誌專訪時自爆，裸模只係工作一部分，正如佢個名Leopard，希望成為演藝界殺手，每個媒介都可以立足，而佢偶像係Megan Fox及Angelina Jolie，阿妹話渴望有日好似佢哋咁成功喎！
而經兩年多於不同界別闖蕩，或者Meghan都發現時也命也，勉強想走入娛樂圈不成，不如索性滿足大家眼球好過，近年積極喺裸模界發展，雖然只係單一公司拍寫真，但高貴形象深入民心，同步佢亦開設個人網站宣傳自己，逐漸得到外界支持，論成績就言之尚早，希望阿妹可以識得「穩守突擊」，做好一樣先再諗其他嘢，咁貪心瓣瓣都想掂，最終咪浪費自己時間囉！
簡介：豹妹Meghan專屬網站，你可以話無料到，但又可以話好齊料，首先阿妹至今只替Playboy拍寫真，其他嘅都係攝影師私拍照，有巴打嫌唔夠喉；而齊料係阿妹無所不談，對人生對工作都同大家分享，嚟緊阿妹仲會網上發售高清寫真，有興趣記得(目及)實！
網址：http://meghanleopard.ca/portfolio/
出生日期：1994年11月4日
三圍：34B-23-33
身高：5呎2吋
撰文：祖