模影模蹤:片山萌美忠於天然

識女仔咁多年,最怕就係遇到啲諸多造作嘅女仔。此外,化到個妝濃一濃嘅女仔都一樣唔係咁想見到,因為一諗到佢哋素顏個樣一定比現況更慘淡,心頭不期然涼咗一截。其實,天然有天然嘅美態,好似片山萌美咁一切都忠於天然,拒絕任何人工修飾嘅提議咪幾好。

長身巨乳

近一年來,日本水着界冒起好多優質新人,好似星名美津紀、高崎聖子、田中菜菜等,俱因為青春貌美以及身材豐滿誘人,而被業界譽為未來水着界救世主、超新星。上述三位無可否認係質素超群,能夠獨挑大樑,但係要成為未來水着天后唔係話咁易,因為最近又出現咗一位極品新人,佢就係被譽為「千年一遇奇才」嘅片山萌美喇。小弟我欣賞日本水着妹都有十多年經驗,第一眼見到萌美亦驚為天人,感覺就好似當初見到經典水着妹酒井若菜以及井上和香一樣。片山萌美家陣24歲,面上一股天真無邪嘅稚氣令佢睇落去比實際年齡細,真係好可愛呀!令男人對佢愛意增加嘅仲有一副高挑又豐滿嘅身材。萌美身高5呎7吋,睇落高挑修長,喺日本水着界可謂鶴立雞群,而胸前一對純天然37G白滑美巨乳亦令佢更為矚目。

天然代表

片山萌美出道以來,憑住驕人身材以及甜美童顏而廣受注目,仲得到電視台邀請參與劇集演出,作品包括《戀愛的coming out》、《原宿書吧》等,相信阿妹好快就會有演出電影嘅機會。萌美曝光率火速增加,令好多人都發現呢位水着超新星並非想像中完美,而其中一個缺點就係面上有唔少細細粒嘅痣,之但係萌美一於少理,仲話自己一切忠於天然,唔會立亂聽人講去做脫痣手術。萌美呢個信念令其形象天然吸引,更成為Miss雜誌嘅Nature小姐比賽冠軍,繼而成為日本環境省代言人。為咗保持身材苗條,萌美所花嘅工夫亦屬天然,就係勤做運動喇。佢因為生得高,最適合就係打籃球,之不過因為上圍重量十足,要佢跳來跳去搶波射籃變成負擔,家陣則較少打波轉為跑步,據聞阿妹將會參加今屆壇香山馬拉松嘅半馬比賽,希望萌美可以取得好成績啦。

個人微博

片山萌美會頻密地將自己嘅生活點滴及工作時嘅幕後花絮於微博發布,大家想緊貼萌美嘅動態不妨Click上去睇睇。

網址:https://twitter.com/neichiamo

片山萌美Profile

年齡:24歲

身高:5呎7吋

三圍:37G-24-34

撰文:賢