家陣嘅餐廳唔單止啲嘢要好食，仲要有主題性先至可以吸引到食客捧場，只係講到夠活色生香，就唔可以唔提位於泰國曼谷市中心素坤逸路嘅餐廳Cabbages & Condoms。呢間早喺1986已經開業嘅餐廳，最特別唔單止在於佢嘅泰國菜做得幾好食，而係在於佢係間避孕套主題餐廳。
咪以為佢推廣飽暖思淫慾嘅理念，查實佢背後嘅目的好宏大！據今年74歲嘅老闆兼泰國前公共國家衞生部部長Mechai Viravaidya介紹，喺1984年時發現泰國首宗愛滋病時，便意識到安全性行為嘅重要性，於是創建咗非牟利組織泰國人口與社區發展聯合會（Population and Community Development Association），並投資開設咗呢間宣揚安全性行為嘅避孕套主題餐廳，並喺2012年於英國牛津郡開設咗分店。
撰文：魂